महापौरांच्या हस्ते मंजू लोढा यांना पुरस्कार
मुंबई -मुंबईचे महापौर विश्वनाथ महाडेश्वर यांच्या हस्ते समाजसेविका आणि परमवीर पुस्तकाच्या लेखिका मंजू लोढा यांना मुंबई महापालिकेच्या वतीनं देण्यात येणार ‘जागतिक महिला दिवस पुरस्कारा’ने सन्मानित करण्यात आलं. मुंबई महापालिकेच्या वतीनं महिलांना देण्यात येणारा हा महत्त्वपूर्ण सन्मान आहे. हा सन्मान काही विशिष्ट लोकांना त्यांनी केलेल्या सामाजिक कार्यासाठी देण्यात येतो. मंजू लोढा यांनी हा सन्मान मुंबईच्या हजारो गरीब वर्गातील महिलांना समर्पित केला, ज्यांच्या सोबत त्या गेल्या २५ वर्षांपासून काम करत आहेत.
जागतिक महिला दिवसानिमित्त हा सन्मान सोहळा आयोजित करण्यात आला होता. यावेळी महापौर विश्वनाथ महाडेश्वर यांनी मंजू लोढा यांची स्तुती करत त्यांना ‘जागतिक महिला दिवस पुरस्कारा’ने सन्मानित केलं. मंजू लोढा यांना हा ‘जागतिक महिला दिवस पुरस्कार’ महिलांच्या सामाजिक, शैक्षणिक, आरोग्य आणि वैयक्तिक विकासाच्या क्षेत्रात विशिष्ट कार्यासाठी देण्यात आला आहे. भायखळा येथील वीरमाता जिजाबाई भोसले उद्यान सभागृहात आयोजित या सन्मान सोहळ्यात मुंबईचे उपमहापौर यशवंत जाधव, महानगरपालिकेच्या अतिरिक्त आयुक्त श्रीमती कुंदन यांच्यासह नगरपालिका समितीचे अध्यक्ष, अनेक नगरसेवक आणि विविध सामाजिक संस्थांशी संबंधित प्रमुख मान्यवर उपस्थित होते. लोढा फाउंडेशनच्या अध्यक्षा मंजू लोढा गेल्या २५ वर्षांपासून सामाजिक, साहित्यिक आणि महिला विकासाच्या क्षेत्रात सक्रिय आहेत