पुणे-विविध मागण्यांसाठी पुणे येथील समाजकल्याण आयुक्तालयावर मोर्चा घेऊन आलेल्या कर्णबधिरांवर पोलिसांनी लाठीचार्ज केला आहे. या लाठीचार्जमध्ये काही कर्णबधीर विद्यार्थी जखमी झाल्याचे सांगण्यात येते. महाराष्ट्राच्या विविध भागातून आलेल्या या विद्यार्थ्यांनी मोर्चा काढला होता.
पोलिसांच्या लाठीचार्जमुळे संतापलेल्या कर्णबधीर आंदोलकांनी आक्रमक धोरण स्वीकारले असून सरकार मागण्यांकडे दुर्लक्ष करत असल्याचा आरोप केला आहे. तसेच मागण्या पूर्ण न झाल्यास मतदानावर बहिष्कार टाकू असा इशारा या विद्यार्थ्यांनी दिला आहे.
आम्ही शांततेत मोर्चा काढत होतो. पोलिसांनी आमच्यावर लाठीचार्ज केल्याचे आंदोलकांनी सांगितले. दरम्यान, पोलिसांनी आता आंदोलक विद्यार्थ्यांना ताब्यात घेतले आहेत. अजूनही आयुक्तालयासमोर विद्यार्थ्यांची मोठी गर्दी आहे. पोलिसांनी लाठीचार्ज झाला नसल्याचे म्हटले आहे. आम्ही विद्यार्थ्यांना समजावून सांगण्यात प्रयत्न केला. पण ते काय सांगत आहेत, ते आम्हाला कळत नव्हते आणि आम्ही काय सांगतोय ते त्यांना समजत नव्हते, असे पोलिसांनी सांगितले.
पोलिसांच्या लाठीचार्जमध्ये जखमी झालेले विद्यार्थी पुढीलप्रमाणे..
१)शेख शकील शेख साबीर, (वय-३१,रा.दर्गा मोहल्ला, वसमत)
२) प्रशांत धुमाळे (वय २४, रा. देगलूर, नांदेड)
३) सिद्धनाथ लष्करे (वय २३, रा. लातूर)
४) कोंडिबा खरात (वय ३४, मानखुर्द, मुंबई)
५) किरण राजपूत (वय ४२, रा. नवापूर, नंदूरबार)
६) दिलीप गट (वय ३०, रा. पारनेर, अहमदनगर)
७) प्रमोद सुर्वे (वय ४०, रा. शिरगाव, सांगली)
८) हनिफ खारियत (वय ३२, दोंडाईचा, धुळे)
९) अमित कुमार सिंह (वय २९, देहूरोड, पुणे)
१०) बाबू शेख (वय ५२, रा. देहूरोड, गांधीनगर)
११) नागेश भंडारे (वय ३४, रा. मालेगाव)
१२) कृष्णा शिवाजी कदम (वय १९)