नवी दिल्ली – सूक्ष्म, लघु आणि मध्यम उद्योजकांना (एमएसएमई) आता केवळ ५९ मिनिटात कर्ज मिळणार आहे. तसेच जीएसटी नोंदणीकृत उद्योजकांना १ कोटी रुपयांच्या कर्जावर २ टक्के सूट मिळेल, असे पंतप्रधान मोदी यांनी घोषित केले आहे. एमएसएम उद्योजकांसाठी सपोर्ट आणि आउटरिच कार्यक्रमाचे नवी दिल्ली येथे आज त्यांच्या हस्ते उद्घाटन झाले. त्यावेळी ते बोलत होते.
तसेच, जीएसटी पोर्टलवर नोंदणी झालेल्या उद्योजकाना १ कोटी रुपयांच्या कर्जावर २ टक्के सूट मिळणार आहे. तर, उद्योजकांना आपले उत्पादन वाहून नेण्यासाठी मिळणारे शिपमेंट क्रेटीड ३ टक्के वरुन वाढून ५ टक्के पर्यंत वाढवण्यात आले आहे. शासकीय कार्यालयात लागणारे सामान विकत घेताना महिला उद्योजकांना प्रथम प्राधान्य मिळणार आहे. तर, ३ टक्के सामान हे महिला उद्योजकांसाठी आरक्षित करण्यात आले आहे.