मुंबई – पंतप्रधान नरेंद्र मोदी यांच्या जीवनावर आधारित बायोपिक ‘पीएम नरेंद्र मोदी’ प्रेक्षकांच्या भेटीसाठी सज्ज झाला आहे. त्यापूर्वी या चित्रपटातील ‘फकिरा’ हे गाणे प्रदर्शित करण्यात आले आहे. या गाण्यातून नरेंद्र मोदी यांच्या जीवनातील चढउतार पाहायला मिळतात.
राजा हसन आणि शशी सुमन यांनी हे गाणे गायले आहे. तर, सदारा यांनी या गाण्याचे बोल लिहिले आहेत. दिग्दर्शक ओमंग कुमार यांनी या चित्रपटाचे दिग्दर्शन केले आहे. त्यांनीच हे गाणे ट्विटरवर शेअर केले आहे.
‘पीएम नरेंद्र मोदी’ बायोपिक हा सुरुवातीपासूनच चर्चेत आहे. अनेक वादविवादातही हा बायोपिक अडकला. मात्र, आता या चित्रपटाच्या प्रदर्शनाचा मार्ग मोकळा झाला आहे. येत्या ५ एप्रिलला हा चित्रपट रिलीज होतोय.