मुंबई- बॉलिवुडचे महानायक अमिताभ बच्चन यांना यंदाचा “दादासाहेब फाळके” पुरस्कार जाहीर झाला आहे. सूचना आणि प्रसारण मंत्री प्रकाश जावडेकर यांनी ही माहिती दिली. त्यांनी सांगितले की, सर्वानुमते अमिताभ बच्चन यांच्या नावाची घोषणा झाली आहे. त्यांनी ट्वीट करुन ही माहिती दिली. ट्वीटमध्ये त्यांनी लिहीले की, ‘महानायक अमिताभ बच्चन, ज्यांनी 2 पिढ्यांसाठी मनोरंजन आणि प्रेरणा दिली आहे, त्यांची दादासाहेब फाळके पुरस्कारासाठी निवड झाली आहे. संपूर्ण देश आणि आंतरराष्ट्रीय समुदाय खूप आनंदीत आहे. त्यांना माझ्या हार्दिक शुभेच्छा.”