पणजी – पावसाळ्याची सुरुवात झाली आहे आणि खळाळत्या म्हादेई नदीत किनाऱ्यावर वसलेल्या वन्यजीवन अभयारण्याच्या साक्षीने लाटांवर स्वार होण्यासाठी ही सर्वात चांगली वेळ आहे. हा अनुभव देण्यासाठी जीटीडीसी २८ जूनपासून व्हाइट वॉटर राफ्टिंगती सुरुवात करत असून हा उपक्रम सप्टेंबरपर्यंत सुरू राहील. दर दिवशी दोन राफ्टिंग सहलींचे आयोजन करण्यात येणार असून पहिली ट्रिप सकाळी ९.३० वाजता आणि दुसरी दुपारी २.३० वाजता केली जाणार आहे. प्रत्येक सहलीमध्ये २.५ ते ३.५ तासांत १० किलोमीटरचे अंतर पार केले जाणार असून त्यादरम्यान पर्यटकांना लाटांच्या वेगाबरोबर पुढे जात निसर्गरम्य लँडस्केप्सचा अनुभव घेता येणार आहे.
व्हाइट वॉटर राफ्टिंगच्या चित्तथरारक अनुभवासाठी तुम्हाला वाल्पोई येथील द अर्थन पॉट रेस्टॉरंटमध्ये एकत्र येता येईल व तिथून २५ मिनिटे प्रवास आणि १० मिनिटे चालत गेल्यावर म्हादेई नदीच्या खोऱ्यात वसलेल्या राफ्टिंगच्या ठिकाणी पोहोचता येईल. तेथे तुम्हाला उपकरण बसवून दिले जाईल आणि तुमचा प्रवास सुरक्षित व अविस्मरणीय होण्यासाठी रिव्हर गाइड्सद्वारे सुरक्षेसंदर्भातील सुचना दिल्या जातील. तुम्ही पहिल्यांदाच असा प्रवास करत असाल, तरी काळजी करण्याचे कारण नाही कारण आमचा उच्च प्रशिक्षित आणि अनुभवी कर्मचारी वर्ग तुमच्या सुरक्षेची काळजी घेईल.
यावर्षी व्हाइट वॉटर राफ्टिंग अनुभव वेगळा असार आहे. गोवा टुरिझमने देशातील आघाडीच्या साहस क्रीडा व्हिडिओ कंपनीशी करार केला असून त्यामुळे तुमचा राफ्टिंग अनुभव वैयक्तिक व्हिडिओद्वारे कैद केला जाणार आहे. हा व्हिडिओ त्याच दिवशी व्हॉट्स अप किंवा गुगल ड्राइव्हद्वारे शेअर केला जाईल. त्यासोबत आठवण म्हणून फ्रेम केलेला फोटोही दिला जाईल. राफ्टिंग ठिकाणापर्यंतचा प्रवास सुखकर व्हावा म्हणून दिवसातून दोनदा पणजी ते उत्तरेकडच्या समुद्रकिनाऱ्यांपर्यंत २०० रुपयांत बस सेवा सुरू करण्याचा विचार आहे.
गोव्यातील रिव्हर राफ्टिंग ट्रेंडविषयी श्री. निलेश काब्राल, अध्यक्ष, गोवा पर्यटन विकास महामंडळ म्हणाले, ‘विश्रांतीसाठी गोवा हे कायमच सर्वोत्तम भारतीय ठिकाणांपैकी एक मानले जाते व आता गोव्यात वॉटर स्पोर्ट्स उपक्रमही मोठ्या प्रमाणावर सुरू करण्यात आले आहेत. उपलब्ध असलेल्या भरपूर उपक्रमांपैकी म्हादेई नदीतील भोवरे रिव्हर राफ्टिंग उपक्रमाद्वारे पार करण्याला पर्यटकांची चांगली पसंती मिळत आहे. म्हणूनच या वर्षी आम्ही आघाडीच्या साहस क्रीडा व्हिडिओ कंपनीशी करार करून त्याद्वारे साहसप्रेमींना म्हादेई नदीत राफ्टिंग करतानाचे त्यांचे व्हिडिओज देण्याचे आठवण म्हणून देण्याचे ठरवले आहे. भविष्यातही आम्ही वेगवेगळे करार करणार आहोत, जे प्रवाशांचा अनुभव समृद्ध करण्यासाठी आम्हाला मदत करतील.’
ही सहल प्रथमच राफ्टिंग करणाऱ्यांसाठी आणि दहा वर्ष वयाच्या पुढच्या मुलांसाठी आदर्श आहे. सुरक्षित फुटवेअर आणि योग्य कपडे बंधनकारक आहेत.या सहलीचा खर्च प्रती व्यक्ती १८९० रुपये प्रती व्यक्ती असून त्यात पाच टक्के जीएसटीचा समावेश आहे.