पुणे: बँक ऑफ महाराष्ट्राच्या संचालक मंडळाने दिनांक 2 नोव्हेंबर रोजी झालेल्या बैठकीद्वारे व्यवस्थापकीय संचालक आणि मुख्य कार्यकारी अधिकारी श्री रविंद्र मराठे आणि कार्यकारी संचालक श्री आर के गुप्ता यांच्या कार्यशील अधिकार पुनर्बहाल केले आहेत. बँकेच्या संचालक मंडळाने दिनांक 29 जून रोजी झालेल्या बैठकीमध्ये या दोघांना त्यांच्या कार्यशील जबाबदार्यांपासून परावृत्त केले होते.
श्री मराठे यांचे व्यवस्थापकीय संचालक आणि मुख्य कार्यकारी अधिकारी म्हणून तर श्री आर के गुप्ता यांचे कार्यकारी संचालक म्हणून त्यांचे कार्यशील अधिकार संचालक मंडळाद्वारे पुंनर्संचयित करण्याची बाब बँकेसाठी स्वागतार्ह असून या आर्थिक वर्षाच्या दुसर्या तिमाहीमध्ये बँकेने देखील गेल्या 10 तिमाहीनंतर चांगले आर्थिक परिणाम दाखवले आहेत.
कार्यशील अधिकारांचे पुनर्संचयन करण्यामुळे न केवळ बँक ऑफ महाराष्ट्र मधील तर एकंदर देशातील बँकिंग वर्तुळामधिल सर्वांचेच मनोबल वाढणार असल्याचे प्रसिद्धी पत्रकामध्ये म्हटले आहे.
जनधन योजना, मुद्रा, सामाजिक सुरक्षा योजना या सारख्या शासकीय योजनांच्या सदरीकरणामध्ये बँक ऑफ महाराष्ट्र नेहमीच अव्वल राहिली आहे. या निर्णयाचा सखोल आणि गहन परिणाम बँकेच्या दैनंदिन कामकाजावर सकारात्मक होणार असून त्याचे पडसाद लाभप्रदता- नफ्यामध्ये वाढ आणि विकासावर होणार आहे.