मुंबई – माजी मुख्यमंत्री पृथ्वीराज चव्हाण चर्चगेट येथे लिफ्टमध्ये अर्धा तास अडकले होते. हा धक्कादायक प्रकार शनिवारी सायंकाळी घडला. अग्निशमन दलाच्या जवानांनी लिफ्टचे दार तोडून त्यांची सुटका केली.
चर्चगेटमधील दिनशॉ वाच्छा रोडवरील रवींद्र मॅन्शन इमारतीत सायंकाळी पावणेसात वाजण्याच्या सुमारास ही घटना घडली. या इमारतीत एका कार्यक्रमाला चव्हाण कॉंग्रेसच्या नेत्यांसह गेले होते. कार्यक्रम संपल्यानंतर ते लिफ्टने तळमजल्यावर आले. पण, लिफ्टचे दार बराच वेळ उघडत नव्हते. चव्हाण यांनी सुटकेसाठी धडपड सुरू केली. आयोजकांनी याची माहिती अग्निशमन दलाला दिली. जवानांनी घटनास्थळी तातडीने धाव घेतली. बराच वेळ प्रयत्न करूनही लिफ्टचे दार उघडत नसल्याचे पाहून जवानांनी लिफ्टचा दरवाजा तोडून त्यांची सुटका केली