पुणे-
नुकतीच विनय अरान्हा प्रेझेंट्स मिसेस महाराष्ट्र – एम्प्रेस ऑफ महाराष्ट्र २०१८ – सीझन ३, पॉवर्ड बाय हयात पुणे ही सौंदर्य स्पर्धा उत्साहात संपन्न झाली. संगीत, नृत्याच्या साथीने संपन्न झालेल्या या दिमाखदार कार्यक्रमात प्रतिष्ठेचा किताब पटकावण्यासाठी राज्यभरातून ४० स्पर्धक चुरशीने सहभागी झाले होते. या स्पर्धेचा हा तिसरा सीझन होता.
स्पर्धेसाठी परीक्षक म्हणून युक्ता मुखी, शिबानी कश्यप, रीतु शिवपुरी व असीस कौर यांनी काम पाहिले तर विनय अरान्हा, अशोक धामणकर, सुमीत कुमार व कार्ल मस्कारेन्हास यांनी संपूर्ण कार्यक्रम यशस्वी करुन दाखवला.
लोकप्रिय दूरचित्रवाणी अभिनेता अमन यतन वर्मा याने आपल्या शैलीदार सूत्रसंचालनाने प्रेक्षकांचे रंजन केले आणि शिबानी कश्यप हिने तिची देशभर लोकप्रिय झालेली प्रसिद्ध गाणी गाऊन उपस्थितांना ठेका धरायला लावला.
डिवा पेजंट्सची चैतन्यशील जोडी असलेल्या अंजना व कार्ल मस्कारेन्हास यांच्या मालकीच्या या स्पर्धेत उपांत्य फेरीतून निवडलेल्या २० स्पर्धकांतून अंतिम फेरीत ६ सर्वोत्तम विजेत्यांची निवड करण्याचे आव्हान परीक्षकांपुढे होते. हे विजेते सिल्व्हर (वय २० ते ३३) आणि गोल्ड (वय ३४ व त्यापुढे) अशा दोन दोन गटांतून निवडायचे होते.
अंतिम फेरीपूर्वी डिवा पेजंट्सकडून गेले तीन दिवस मिळालेल्या मार्गदर्शनाचा पुरेपूर लाभ उठवत स्पर्धकांनी किताबाचा मुकूट जिंकण्यासाठी अत्यंत आत्मविश्वासाने प्रयत्न केले व आपल्या तयारीचे दिमाखाने प्रदर्शन केले.
स्पर्धेचा निकाल :
किताब विजेते :
मिसेस महाराष्ट्र – एम्प्रेस ऑफ महाराष्ट्र २०१८ – सिल्व्हर : प्रांजल दुधे
मिसेस महाराष्ट्र – एम्प्रेस ऑफ महाराष्ट्र २०१८ – गोल्ड : नियोमी डे
फर्स्ट रनर-अप – सिल्व्हर : डॉ. अर्चना काटकर
फर्स्ट रनर-अप – गोल्ड : शुची त्रिवेदी
सेकंड रनर-अप – सिल्व्हर : ऐश्वर्या साळवे
सेकंड रनर-अप – गोल्ड : शिल्पा कुलकर्णी
याखेरीज महाराष्ट्र राज्यभरातून ४ क्वीन्सही निवडण्यात आल्या.
क्वीन ऑफ मुंबई – केशिका
क्वीन ऑफ नाशिक – वैशाली मुळे
क्वीन ऑफ लातूर – माधुरी माकणीकर
क्वीन ऑफ पुणे – गौरी मालेकर
हे विजेते किताबाचा मुकूट, आकर्षक बक्षीसे व मोदसूत्रचे अलंकार घेऊन आनंदाने घरी रवाना झाले.
या स्पर्धेतून ‘डिवा’चे ‘डेअर * ड्रीम * डॅझल’ हे बोधवाक्य खऱ्या अर्थाने प्रतित झाले आणि ही महाराष्ट्रात झालेली एक भव्यतम सौंदर्य स्पर्धा ठरली.