पुणे: डेक्कन जिमखाना यांच्या तर्फे आयोजित व आयटीएफ, महाराष्ट्र राज्य लॉन टेनिस संघटना(एमएसएलटीए)आणि पुणे मेट्रोपोलिटन जिल्हा टेनिस संघटना(पीएमडीटीए)यांच्या मान्यतेखाली होत असलेल्या गद्रे-एमएसएलटीए आयटीएफ कुमार टेनिस अजिंक्यपद स्पर्धेत सर्वेश बिरमाणे याने मानांकित खेळाडूवर विजय मिळवत आगेकूच केली.
डेक्कन जिमखाना टेनिस कोर्ट,येथे आजपासून सुरु झालेल्या या स्पर्धेत पहिल्या पात्रता फेरीत मुलांच्या गटात सर्वेश बिरमाणे याने तिसऱ्या मानांकित अमन तेजाबवालाचा 6-4, 6-0असा पराभव करून अनपेक्षित निकाल नोंदविला. पाचव्या मानांकित
सुहित रेड्डी लंकाने कार्तिक प्रहारचा टायब्रेकमध्ये 6-3, 7-6(3)असा पराभव करून पात्रता फेरीच्या दुसऱ्या चरणात प्रवेश केला. फैज नस्यामने दक्ष अगरवालचा
6-3, 6-2असा सरळ सेटमध्ये पराभव केला.
मुलींच्या गटात बिपाशा मेहन, सायना देशपांडे, प्रेरणा विचारे, आर्या पाटील, गार्गी पवार या खेळाडूंनी आपापल्या प्रतिस्परध्यांचा पराभव करून आगेकूच केली.
स्पर्धेचा सविस्तर निकाल: पहिली पात्रता फेरी:
संजीत देवीनेनी(भारत)(1)वि.वि.अर्जुन गोहड(भारत) 6-2, 6-2;
अनर्घ गांगुली(भारत)वि.वि.अभुदया शर्मा(भारत) 6-2, 6-4;
फैज नस्याम(भारत)वि.वि.दक्ष अगरवाल(भारत)
6-3, 6-2;
प्रभाजीत चंढोक(भारत)वि.वि.कपिश खांडगे(भारत) 6-4, 6-4;
सर्वेश बिरमाणे(भारत)वि.वि.अमन तेजाबवाला(भारत)(3) 6-4, 6-0;
सुहित रेड्डी लंका(भारत)(5)वि.वि.कार्तिक प्रहार(भारत) 6-3, 7-6(3);
मुली:
बिपाशा मेहन(भारत)वि.वि.लोलाक्षी कांकरिया(भारत) 6-2, 6-1;
सायना देशपांडे(भारत)वि.वि.व्योमा भास्कर(भारत) 6-0, 6-2;
प्रेरणा विचारे(भारत)(7)वि.वि.वशिष्टा पठानीया(भारत) 6-3, 6-4;
आर्या पाटील(भारत)वि.वि.तन्वीका सर्वानन(भारत) 6-1, 6-2;
गार्गी पवार(भारत)(8)वि.वि.लालित्या कल्लूरी(भारत) 6-2, 6-2.