पुणे-प्राथमिक आरोग्य केंद्र,खामगाव. ता. दौंड, जि. पुणे, येथे कम्युनिटी रुरल हेल्थ नर्सिंगच्या प्रात्यक्षिक अनुभवा करीता गेलेल्या श्रीमती सुभद्रा के. जिंदाल कॉलेज ऑफ नर्सिंग शिवाजीनगर पुणे येथील महाविद्यालयातील विद्यार्थ्यांनी वेगवेगळे उपक्रम आयोजित केले यामध्ये आरोग्य केंद्रा मध्ये येणाऱ्या गरोदर महिलांचा ओटी भरून सन्मान केला व तेथील आरोग्य कर्मचार्यांच्या मदतीने आशा भागिनिना व गावकऱ्याना विविध आजारांबद्दल माहिती दिली त्यात क्षयरोग,मधुमेह,रक्तदाब,रक्तक्षय,अतिसार आणि मलेरिया ईत्यादींचा समावेश आहे तसेच विद्यार्थ्यांनी घरोघरी जाऊन आरोग्य तपासणी केली.
गावामध्ये व शाळांमध्ये जाऊन कुटुंब नियोजन व वैयक्तिक स्वच्छता याविषयांवर पथनाट्याचे सादरीकरण केले तसेच काहि सांस्कृतिक कार्यक्रमाचे देखील आयोजन केले. यासाठी महाविद्यालयाचे शिक्षक श्रीमती एन्जेला ब्रेवर, श्रीमती प्रज्ञा जाधव व श्री अमोल कानडे यांनी विद्यार्थ्याना मोलाचे मार्गदर्शन केले या कार्यक्रमासाठी प्राथमिक आरोग्य केंद्राचे वैद्यकीय अधिकारी श्रीमती रुपाली लोखंडे व श्री विलास माने तसेच ग्रामस्थांनी देखील मोलाचे मार्गदर्शन केले आणि यापुढे देखील आम्ही असेच नवनवीन व वेगवेगळे उपक्रम सादर करू असे आश्वासन महाविद्यालयाने गावकऱ्याना दिले.