फर्ग्युसनमध्ये रंगणार ‘मुक्तछंद’
पुणे: डेक्कन एज्युकेशन सोसायटीच्या फर्ग्युसन महाविद्यालयात तीन ते पाच जानेवारी या कालावधीत ‘मुक्तछंद’ हा वार्षिक सांस्कृतिक महोत्सव रंगणार आहे.
ज्येष्ठ व्यंगचित्रकार शि. द. फडणीस व शकुंतला फडणीस यांच्या ‘हसर्या मैफली’चा आस्वाद पहिल्या दिवशी सकाळी घेता येईल. संध्याकाळी निसर्गप्रेमी पूजा भाले यांचा ‘बिनभिंतीच्या उघड्या शाळेतील एक तास’ अनुभवता येणार आहे.
दुसर्या दिवशी सकाळी ब्रिगेडीअर अनिल तळवलकर यांच्याकडून परमवीर चक्र विजेत्यांची रोमहर्षक कहाणी ऐकता येणार असून, संध्याकाळी अभिनेत्री शर्वरी जमेनीस व परिमल फडके यांच्या कडून ‘नृत्यानुभूतीतून नृत्यसाधनेकडे’ हा प्रवास समजावून घेता येईल.
लोकेश गुप्ते ‘नट भूमिका जगताना’ या विषयावर पाच जानेवारीला सकाळी संवाद साधणार असून, सायंकाळी ‘कविता अणि बरंच काही’ या संगीतमय काव्यमैफलीने महोत्सवाची सांगता होणार आहे. संपूर्ण महोत्सवाचे आयोजन विद्यार्थ्यांनी केले आहे. सकाळी दहा व सायंकाळी पाच अशा कार्यक्र‘माच्या वेळा आहेत.