संस्कारक्षम पिढी घडविण्याचे आव्हान – श्रीराम कुलकर्णी.
सामुदायिक उपनयन संस्कार संपन्न …..
पुणे-सोशल मीडिया चा मायाजाल वेगाने सारे विश्व् आपल्या ताब्यात घेत असून,त्याचे दुष्परिणाम सर्व क्षेत्रात जाणवू लागले आहेत, पुढील काळात संस्कारक्षम पिढी घडविण्याचे मोठे आव्हान असून सामुदायिक मुंजीच्या कार्यक्रमाच्या माध्यमातून आम्ही तो प्रयत्न करत आहोत असे देशस्थ ब्राह्मण संघाचे कार्याध्यक्ष श्रीराम कुलकर्णी म्हणाले.अक्षय तृतीयेच्या शुभ मुहूर्तावर देशस्थ ऋग्वेदी ब्राह्मण संघ कोथरूड – कर्वेनगर शाखेच्या वतीने सामुदायिक मुंजीचा कार्यक्रम पार पडला त्या वेळी ते बोलत होते.यावेळी आमदार मेधा कुलकर्णी,नगरसेविका मंजुश्री खर्डेकर,उद्यम बँकेचे अध्यक्ष संदीप खर्डेकर,कीर्तनकार प्रा.न.ची.अपमार्जने,शिवसेनेचे सहसंपर्क प्रमुख शाम देशपांडे,ब्राह्मण संघाचे अध्यक्ष डा.अरुण हुपरीकर,कार्याध्यक्ष श्रीराम कुलकर्णी,सचिव सतीश कुलकर्णी व सहसचिव सौ. साधना ओढेकर उपस्थित होते.
यावेळी आमदार मेधा कुलकर्णी यांनी बटु ना शुभाशीर्वाद दिले तर नगरसेविका मंजुश्री खर्डेकर यांनी बटु ना मातृभोजनाचा घास भरविताना ” आज मुंज झाल्याने तुमच्यावर जे संस्कार झाले आहेत ते भावी आयुष्यात फार मोलाचे असून आई वडील आणि गुरुजनांचे म्हणणे ऐका आणि त्यांचा आदर करा ” असे सांगितले.
मनोहर मंगल कार्यालय येथे हा सोहळा पार पडला,यावेळी बटु व त्यांच्या कुटुंबीयांचा उत्साह ओसंडून वाहात होता,श्रीराम कुलकर्णी यांनी सूत्रसंचालन तर डा हुपरीकर यांनी सर्वांचे स्वागत केले.