पुणे-भारतीय शास्त्रीय संगीतात तालाला अनन्यसाधारण असं महत्व आहे. नुकतीच दि १३-१-१९ रोजी सकाळी ९ ते १२ या वेळात व्यास मंदिर ,सदाशिव पेठ इथे जेष्ठ तबलावादक तालभूषण पं नचिकेत मेहेंदळे यांच्या ‘मधुमती संगीत विद्यालया’ तर्फे तबलावादन मैफल सादर झाली.
प्रथम कार्यक्रमाची सुरुवात निवेदिता मेहेंदळे यांनी रचलेल्या ‘देवी शारदे’ या सरस्वतीस्तवनाने झाली .तन्मयी मेहेंदळे हिने गाऊन केली.यावेळी तन्मयी यांना तबला सांगत नचिकेत मेहेंदळे यांची लाभली .तसेच यावेळी १६ मात्रांच्या तीनतालात सिद्धी कराडकर ,विश्वक्सेन होसूर ,सौमित्र देवधर ,अमेय मराठे ,अथर्व जोशी,ओंकार जोशी यांसह एकूण ३३ विद्यार्थ्यांनी ४ गटात सामुहिक वादन केले या मध्ये कायदे ,रेले ,परण ,चक्रधार, मुखडे तुकडे यांचे दमदार सादरीकरण झाले.या वेळी संपतलाल गादिया यांच्या तर्फे पं. नचिकेत मेहेंदळे यांचा सत्कार करण्यात आला.तसेच पत्रकारितेत उल्लेखनीय कामगिरीबद्दल पत्रकार सुनीत भावे यांचाही सत्कार करण्यात आला.
त्यानंतर ताल झपताल मध्ये मानस भावे ,कैवल्य देशपांडे ,रिषभ खळदकर ,कुणाल निरगुडकर ,पंचम परदेशी ,सोहम जोशी यांनी सामुहिक वादन करून रसिकांना जागीच खीळवले.त्यानंतर रमेश मंगळूरकर यांनी तीनतालात स्वतंत्र तबलावादन केले.त्याला जोडून तन्मयी मेहेंदळे हिने निघालो घेऊन दत्ताची पालखी हा अभंग सादर केला .त्यानंतर तीनतालात अतिशय अभ्यासपूर्ण वादन सिद्धेश साठे आणि ओंकार देवकुळे यांनी सादर करून रसिकांची वाहवा मिळविली.
त्यानंतर वाजवण्यास अतिशय अवघड असा १५ मात्रांच्या पंचम सवारी तालात मेहुल गादिया आणि निखील बोऱ्हाडे यांनी वादन करून उपस्थितांना मंत्रमुग्ध केले.त्यानंतर हेमंत गोडबोले आणि हृषीकेश खाडे यांनी तीनतालात वादन सादर केले.त्यात रेलेत तुकडे मुखडे परण पेशकार सादर केले.सर्व विदयार्थ्यांना लेहेर्याची साथसांगत हार्मोनियमवर पं प्रमोद मराठे यांचे शिष्य , देवेंद्र देशपांडे यांनी केली.या मैफलीचे सूत्रसंचालन तन्मयी मेहेंदळे यांनी केले.या मैफलीस सुनीत भावे, जेष्ठ उद्योजक संपतलाल गादिया,जेष्ठ तबला वादक पं.विजय दास्ताने यांची विशेष उपस्थिती लाभली .मैफलीची सांगता पसायदानाने झाली.