पुणे-गाजलेल्या हिंदी, मराठी गीतांच्या सादरीकरणाने पुणे नवरात्रौ महोत्सवाच्या सहाव्या
दिवसाच्या कार्यक्रमात रंगत आणली.
स्नेहगीत प्रस्तुत, नेहा चिपळूणकर आणि सहकाऱ्यांनी गायलेल्या ‘गीतोंभरी शाम’ या कार्यक्रमाने
गणेश कला क्रीडा रंगमंचवरची संध्याकाळ खुलली. डॉ.नरेंद्र चिपळूणकर निर्मित या कार्यक्रमाचे
निवेदन सीमा घाटे यांनी केले. ‘मायभवानी तुझे लेकरू कुशीत तुझीया येई सेवा मानून घे आई’
नेहा चिपळूणकर यांच्या या देवीच्या आळवणीने कार्यक्रमाला सुरुवात झाली. नंतर आबा बागुल
यांच्या विनंतीवरून महात्मा गांधींच्या दिडशेव्या जयंतीच्या निमित्ताने, गांधीजींना उद्देशून असलेले
‘साबरमती के संत तुने कर दिया कमाल हे गाणे सादर करण्यात आले. आणि पुढे मुसाफिर हूँ
यारो, गुलाबी आँखे जो तेरी देखी, मेरे सपनोंकी रानी कब आएगी तू, छुप गये सारे नजारे, ए मेरा
दिल प्यार का दिवाना, हवा के साथ-साथ, खैके पान बनारसवाला, राणी माझ्या मळ्यामंदी घुसशील
का….. आदी हिंदी मराठी गाण्यांनी सध्याकाळ उत्तरोत्तर रंगत गेली. नेहा चिपळूणकर यांच्यासह
आनंद मराठे, मंदार देशपांडे, विक्रम राव यांनी ही गाणी सादर केली. त्यांना वादनाची साथ संगत
डॉ.नरेंद्र चिपळूणकर, मिहिर भडकमकर यांनी केली.
कार्यक्रमाच्या निमित्ताने डॉ.नरेंद्र चिपळूणकर म्हणाले की, पुणे नवरात्रौ महोत्सवाच्या या
कार्यक्रमात गेली वीस वर्षे आम्हाला सेवा देण्याची संधी मिळत आहे. त्यासाठी महोत्सवाचे
अध्यक्ष आबा बागुल यांचा मी आभारी आहे. कलावंतांच्या पाठिशी आबा कायमच उभे असतात.
त्यांचा आम्हा कलावंतांना कायम आधार वाटतो.
कार्यक्रमातील कलावंतांचे सत्कार विशेष उपस्थितांच्या हस्ते करण्यात आले. यावेळी पुणे नवरात्रौ
महोत्सवाचे अध्यक्ष आबा बागुल, नंदकुमार बानगुडे, घनश्याम सावंत, नंदकुमार कोंढाळकर, रमेश
भंडारी आदी उपस्थित होते.
गणेश कला क्रीडा रंगमंच येथे सुरु असलेल्या या कार्यक्रमाला स्थायी समितीचे माजी अध्यक्ष
विरेंद्र किराड, सौ. किराड, उद्योगपती अतुल लुंकड, माजी शिक्षण संचालक अजित देशपांडे, झुबेर
पुनावाला, चंद्रशेखर पिंगळे, वृक्ष संवर्धन समितीचे द.स.पोळेकर, जयवंत जगताप, नंदूशेठ नगरे,
विश्वास दिघे, जयकुमार ठोंबरे आदींची उपस्थिती होती.