पुणे फेस्टिव्हल मध्ये यंदा प्रथमच नारदीय किर्तन महोत्सवाचे आयोजन करण्यात आले आहे. ह.भ.प. निवेदिता मेहेंदळे यांनी याचे आयोजन केले आहे. बुधवार दि. 4 सप्टेंबर रोजी सायं. 5 ते 8 या वेळेत बालगंधर्व रंगमंदिर येथे याचे आयोजन केले गेले आहे. यावेळी ज्येष्ठ नेते व संत साहित्याचे अभ्यासक उल्हास पवार प्रमुख पाहुणे म्हणून उपस्थित राहणार आहेत. याप्रसंगी उल्हास पवार यांच्या हस्ते हभप ताराबाई राजाराम देशपांडे व हभप श्रीरामचंद्रबुवा बोर्हे यांचा सन्मान करण्यात येणार आहे.
महाराष्ट्राची सांस्कृतिक-धार्मिक परंपरा असणार्या कीर्तन परंपरेतील विविध प्रकार यामध्ये सादर केले जातील.
यावेळी 12 कीर्तनकार व 5 साथसंगतकारांचा यात समावेश आहे. यात सामुदयीक कीर्तन, सहयोगी कीर्तन, राष्ट्रीय कीर्तन, चक्री कीर्तन, युगल कीर्तन-जोड आख्यान आदी कीर्तन प्रकारांचा यात समावेश आहे. याप्रसंगी ह.भ.प. कीर्तनकलानिधी रामचंद्रबुवा प्रभाकर भिडे (निरूपणकार), ह.भ.प. नम्रता मेहेंदळे, ह.भ.प. ओवी काळे, ह.भ.प. आनंदी कर्हाडकर, ह.भ.प. पियुष कुलकर्णी, ह.भ.प. वर्धन बुरसे, ह.भ.प. तन्मयी मेहेंदळे, ह.भ.प. धनदा गदगकर, ह.भ.प. विकासबुवा दिग्रसकर, ह.भ.प. श्रेयसबुवा कुलकर्णी, ह.भ.प. नंदकुमार मेहेंदळे, ह.भ.प. निवेदिता मेहेंदळे आदी कीर्तनकार व कलाकारांचा यात समावेश असणार आहे. याचबरोबर वादक संगतकार म्हणून
रेशीम खेडकर – पायपेटी, सुखदा जोशी – संवादिणी, नचिकेत मेहेंदळे – तबला, मयूर गुजर – तबला, ईशान मेहेंदळे – झांज यांचा समावेश आहे.
यावेळी कीर्तन परंपरेप्रमाणे सर्वांचे कपाळावर बुक्का लावून व प्रसाद देऊन स्वागत केले जाईल.