पुणे- रस्त्यावरील वाहनचालकांवर हेल्मेट सक्तीच्या नावाखाली सुरु असलेल्या पोलिसी कारवाया हा, प्रत्येकाला १५ लाख रुपये देण्याचा वादा करणाऱ्या भाजपचा डल्ला आहे. भाजप हाच पोलिसांच्या खांद्यावर बंदुका ठेऊन हि वसुली करत असल्याचा आरोप करत या दरोडेखोरीला आम्ही शेवटपर्यंत विरोध करू असा पवित्रा आज पुणे शहर कॉंग्रेसचे अध्यक्ष रमेश बागवे यांनी घेतला आहे .
ते म्हणाले , आम्ही सुरुवाती पासून पुणे शहरात हेल्मेट सक्तीला विरोध करत आलो आहोत . गेली ३० वर्षात अनेकदा पुणेकरांनी या सक्ती विरोधात आवाज उठविला आणि सक्ती हाणून पाडली . असे असताना मुख्यमंत्र्यांच्या आदेशानेच हि वसुली पुणे पोलिसांनी चालविली आहे .पुण्यात हेल्मेट सक्ती अव्यवहार्य असून ती राबविणे नाग्रीक्नावर जुलूम करणे होय .सरकार च्या तिजोरीत खडखडाट करून ठेवला आणि आता साईबाबांच्या चरणी आलेले पैसेही यांनी कर्ज म्हणून घेतले ते त्यांना पुरेनात म्हणून पुणेकरांची भर रस्त्यावर लुट सुरु आहे .यावर पुणेकर एकत्र येवून पुन्हा धडा शिकवतील आणि आम्हीही शेवटपर्यंत अशा जाचक सक्तीला विरोध करू असे ते म्हणाले.