पुणे-फुरसुंगीत सोनार पुलावरून कठडा तोडून एक सँट्रो कार पाण्यात कोसळली. यामध्ये एका कराटे प्रशिक्षकाचा मृत्यू झाल्याची माहिती आहे. हा अपघात आज (रविवार) पहाटे घडला.
नितीन कुंभार, (वय 48, राहणार – सासवड), असे मयत कराटे शिक्षकाचे नाव आहे. नितीन हे आपल्या कारमध्ये एकटे लोणीवरून फुरसुंगी येथे जात असताना ही घटना घडली. पोलिसांना सकाळी 6.55 ला या घटनेची माहिती मिळाली. तो पर्यंत तेथील नागरिकांनी मिळून वर काढले होते. अपघाताचे कारण आद्यत स्पष्ट झालेले नसून पुढील तपास हडपसर पोलीस करत आहेत.