लेखक-र्हीदम वाघोलीकर यांना ब्रिटिश पार्लिमेंट मध्ये ‘महात्मा गांधी सन्मान’ प्रदान*
इंग्लंडच्या ‘हाऊस ऑफ कॉमन्स’ मध्ये गौरव
पुणे ःयुवा लेखक र्हीदम वाघोलीकर यांना हाऊस ऑफ कॉमन्स ‘ लंडन मध्ये झालेल्या ‘ग्लोबल अचिव्हर्स कॉनक्लेव्ह’ मध्ये ‘महात्मा गांधी सन्मान’ देऊन गौरविण्यात आले.
‘एनआरआय वेल्फेअर सोसायटी ऑफ इंडिया’ (लंडन) संस्थेतर्फे पुरस्कार वितरण करण्यात आले
. जगभरातून ४५ नागरिकांना हा सन्मान दिला जातो. हा पुरस्कार मिळविणारे र्हीदम वाघोलीकर हे सर्वात तरुण भारतीय आहेत.
हा पुरस्कार गुरूवार, दि. 25 ऑक्टोबर 2018 रोजी ‘ग्लोबल अचिव्हर्स कॉनक्लेव्ह’ दरम्यान ब्रिटीश पार्लमेंट (‘हाऊस ऑफ कॉमन्स’) लंडन येथे देण्यात आला.
यावेळी भारताचे माजी पंतप्रधान एच.डी. देवेगौडा, पद्मविभूषण डॉ. अनील कोहली, आणि मान्यवरांना गौरविण्यात आले. यावेळी ऱ्ही दम वाघोलीकर यांचे पिता सुधीर वाघोलीकर तसेच भारत, इंग्लंडमधील मान्यवर उपस्थित होते
` या सन्मानामुळे भारताचा झेंडा हाऊस ऑफ कॉमन्समध्ये उंचावल्याचा आनंद वाटतो ‘, असे ऱ्हीदम वाघोलीकर यांनी सांगीतले.
र्हीदम हे सामाजिक विषयांवर जनजागृतीचे काम करणाऱ्या ‘क्रिएटिंग पॉसिबिलिटीज’ स्वयंसेवी सेवी संस्थेचे संस्थापक आहेत. त्यांनी ‘स्वरलता-रिदमिक रेमीनीसेस ऑफ लता दीदी ’या लता मंगेशकर यांच्यावरील पुस्तक तसेच किशोरीताईंवरील ‘द सोल स्टिरिन्ग व्हॉईस -गानसरस्वती किशोरी आमोणकर’ ही पुस्तके लिहिली आहेत.
माजी राष्ट्रपती प्रणव मुखर्जी, गानसम्राज्ञी लता मंगेशकर, माजी राष्ट्रपती प्रतिभा पाटील , पंडित बिरजू महाराज यांनी वाघोलीकर यांच्या लेखन उपक्रमाचे कौतुक केले आहे. तसेच वाघोलीकर गौरी सावंत यांच्या समवेत अनाथ मुलींना मदतीचे सामाजिक कार्य करत आहेत.
र्हीदम वाघोलीकर यांना इस्मा इन्स्टिट्यूट (इंटरनॅशनल स्पिरिच्युलिटी मार्केट)च्या वतीने अध्यात्म क्षेत्रातील दोन पुरस्कार प्राप्त झाले आहेत. तसेच ‘आसिआन थाई इंडियन बिझनेस लीडरशिप’ परिषदेत ‘रुवा उद्योजक’ सन्मान, ‘कला गौरव राष्ट्रीय पुरस्कार’, ‘इंटरनॅशनल अचिव्हर्स’ पुरस्कार (दुबई), सावित्रीबाई फुले राष्ट्रीय पुरस्कार, अमृता फडणवीस यांच्या हस्ते ‘फेमिना मोस्ट पॉवरफुल ऑफ द यीअर 2018’ पुरस्कार मिळाले आहेत.