’कृषी पदवीधर संघटेने’चा ’युवा प्रताप पुरस्कार’ वितरण सोहळा रविवारी पुण्यात
पुणे ः
कृषी पदवीधर संघटनेचे ’युवा प्रताप पुरस्कार’ जाहीर झाले असून, पुरस्कार वितरण सोहळा 11 फेब्रुवारी रोजी दुपारी साडेतीन वाजता बालगंधर्व रंगमंदिर येथे आयोजित करण्यात आला आहे. पुरस्काराचे यंदाचे पाचवे वर्ष आहे.
पुरस्कारचे वितरण ’शेतकरी कामगार पक्षा’चे सरचिटणीस आमदार जयंत पाटील यांच्या हस्ते होणार आहे. आमदार प्रताप पाटील-चिखलीकर, आमदार बच्चू कडू, आमदार बाळाराम पाटील, आमदार महेश लांडगे यांच्या उपस्थितीत होणार आहे. ’शेतकरी कामगार पक्षा’चे चिटणीस प्रवीण गायकवाड हे कार्यक्रमाच्या अध्यक्षस्थानी असणार आहेत.
कृषी पदवीधर संघटनेचे अध्यक्ष महेश कडूस-पाटील यांनी पत्रकाद्वारे ही माहिती दिली.
प्रगतीशील शेतकरी, उद्योजक, कृषी संशोधक, कृषी शिक्षक, महिला सक्षमीकरण क्षेत्रातील कार्यकर्ते, कृषी विषय हाताळणारे पत्रकार अशा 48 व्यक्ती आणि संस्थांना या सोहळ्यात गौरविण्यात येणार आहे.
इस्त्रायल आणि आंतरराष्ट्रीय पातळीवर राज्याच्या कृषी क्षेत्राला कसे पुढे नेता येईल आणि शेतीतील नैराश्य दूर करण्यासाठी काय करता येईल, याबाबत या सोहळ्यात मार्गदर्शन करण्यात येणार आहे, अशी माहिती महेश कडूस यांनी दिली.