‘अ वर्ल्ड इन मोशन नॅशनल ऑलिंपिक्स ‘ चे पुण्यात उद्घाटन*
देशातील ३४ शहरातील ३०० शालेय विद्यार्थी सहभागी
पुणे :’अ वर्ल्ड इन मोशन नॅशनल ऑलिंपिक्स ‘ या वाहनांच्या मॉडेल्स निर्मितीच्या राष्ट्रीय स्पर्धेचे उद्घाटन शनीवारी सायंकाळी केतन देशपांडे ( अध्यक्ष, फ्युएल ग्रुप ) यांच्या हस्ते झाले.
सोसायटी ऑफ ऑटोमोटिव्ह इंजिनियर्स, ऑटोमोटिव्ह रिसर्च असोसिएशन ऑफ इंडिया,इटन टेक्नॉलॉजी, कमिन्स इंडिया, महिंद्रा अॅण्ड महिंद्रा यांनी संयुक्तपणे या ऑलिंपिक्सचे आयोजन केले आहे
उद्घाटन कार्यक्रम कमिन्स इंडिया ( कॅम्पस ) बालेवाडी येथे झाला.केतन देशपांडे,डॉ.के.सी .व्होरा ( अध्यक्ष, सोसायटी ऑफ ऑटोमोटिव्ह इंजिनियर्स, वेस्टर्न सेक्शन ) दीपक जोशी (इटन टेक्नॉलॉजी ), सुबोध मोरे ( महिंद्रा अॅण्ड महिंद्रा ), ललीत सूर्यवंशी ( कमिन्स ), अतुल कुंटे, शिखर भटनागर यांच्या हस्ते उद्घाटन झाले
शालेय विद्यार्थांसाठी असलेल्या या स्पर्धत देशातील 3४ शहरातून ३०० विद्यार्थी सहभागी झाले आहेत.
विजेत्याना एप्रिल मध्ये अमेरिकेतील डेट्रॉईट येथे होणाऱ्या जागतिक ऑालींपिक्स मध्ये सहभागी होता येणार आहे. शिवाय २ लाखांची पारितोषिके देण्यात येणार आहेत.
भारताला दरवर्षी ६ लाख ऑटोमोटिव्ह इंजिनियर्सची आवश्यकता आहे. ही गरज भागवण्यासाठी विद्यार्थाना शालेय वयात वाहन निर्मिती क्षेत्राचा परिचय व्हावा, गोडी लागावी, यासाठी ‘ वर्ल्ड इन मोशन उपक्रम ‘ आयोजित केला जातो
पुण्यातील नॅशनल ऑलिंपिक्सचे पारितोषिक वितरण अखिल भारतीय तंत्रशिक्षण परिषदेचे अध्यक्ष डॉ. अनील सहस्त्रबुद्धे यांच्या हस्ते कमीन्स इंडिया कॅम्पस ( बालेवाडी ) येथे रविवारी ५ वाजता होणार आहे