पुणे महानगर प्रदेश विकास प्राधिकरणा (पीएमआरडीए)च्या वतीने भोर तालुक्यातील नसरापूर
पंचायत समितीच्यावतीने दि. ३१ ऑक्टोबर रोजी प्रधानमंत्री आवास शहरी योजना नेमकी काय आहे याचा लाभ
नागरिकांनी कसा घ्यावा याविषयी नागरिकांना प्रशिक्षण देण्यात आले.
कार्यशाळेत आर्थिक दृष्ट्या दुर्बल घटकातील लाभार्थ्यांद्वारे वैयक्तिक स्वरूपातील घरकुल बांधण्यास अनुदान असून
घरकुल बांधकामासाठी शासकीय अनुदान व्यतिरिक्त उर्वरित रकमेची सोय इच्छुक कुटुंबाला स्वतः करावी लागेल
तसेच कुटुंबाच्या मालकीचा खुला भूखंड किंवा कुटुंबाच्या मालकीच्या भूखंडावर कच्च्या स्वरूपाचे घर किंवा कुटुंबाच्या
मालकीच्या भूखंडावर सुधारणा होऊ शकेल असे घर असणे आवश्यक आहे. यात लाभार्थ्याला ३०० sqft चटई क्षेत्राचे
घर बांधता येणार असून २.५० लाख रुपयांचे अनुदान प्राप्त होणार आहे यासाठी वार्षिक उत्पन्न ३ लक्ष पेक्षा कमी
असलेले लाभार्थी पात्र होणार आहेत हे सांगण्यात आले.
आमदार संग्राम थोपटे यांनी उपस्थित नागरिकांना प्रधानमंत्री आवास योजेना सर्वासाठी फायदेशीर असून सर्व
नागरिकांनी या योजनेचा लाभ घ्यावा असे सांगितले. पंतप्रधान आवास योजनेची माहिती लोकांपर्यंत
पोहोचविणेसाठी आर्थिक दृष्ट्या दुर्बल घटकातील लाभार्थ्याला योजना व अर्ज भरणेबाबत मार्गदर्शनपर कार्यक्रमाचे
आयोजन करण्यात आले होते. या कार्यक्रमास ३०० ग्रामस्थ उपस्थित होते.
यात पुणे महानगर प्रदेश विकास प्राधिकरण यांचेकडून अतिरिक्त आयुक्त प्रवीण देवरे यांच्याकडून ग्रामस्थांना
मार्गदर्शन करण्यात आले. यास लाभार्थ्यांनी सकारात्मक प्रतिसाद दिला. यावेळी आमदार संग्राम थोपटे, कार्यकारी
अभियंता युवराज नाकाडे, जिल्हा परिषद सदस्य विठ्ठल गव्हाणे, विस्तार अधिकारी आर, आर. राठोड, राजू चांदगुडे,
सरपंच, सदस्य व पुणे महानगर विकास प्राधिकरणाचे अधिकारी व कर्मचारी उपस्थित होते. पंतप्रधान आवास
योजनेकरिता अर्ज करण्यासाठी पुणे महानगर प्रदेश विकास प्राधिकरणाच्या http://pmrdapmay.com या
संकेतस्थळावर नागरिकांनी अर्ज करावा.