पुणे-पोलीस बंदोबस्तात आख्या पुण्याचं पाणी कापलं ,आणि जलसंपदा खात्यचे मंत्री असलेले शिवसेनेचे विजय शिवतारे म्हणतात ‘माहिती घेतो ‘ मग मंत्री काय झाक मारायला झालात काय ? असा सडेतोड सवाल आज महापालिकेतील विरोधी पक्षनेते आणि राष्ट्रवादीचे शहराध्यक्ष चेतन तुपे पाटील यांनी केला .
आज पुण्याचं पाणी खडकवासल्यातून कापल्याचा आरोप करत राष्ट्र वादीने महापालिकेच्या प्रवेशद्वारावरील पायऱ्यांवर ठिय्या मारत जोरदार घोषणाबाजी केली . बाप्पू पठारे,सुभाष जगताप ,नंदा लोणकर, नारायण लोणकर, नितीन कदम ,रवींद्र माळवदकर,सुमन पठारे,भैय्या जाधव ,सुनील टिंगरे ,रुपाली चाकणकर ,बंडू गायकवाड आदी राष्ट्रवादीचे नगरसेवक ,कार्यकर्ते, मोठ्या संख्येने या आंदोलनात सहभागी झाले होते .
यावेळी माध्यमांशी बोलताना चेतन तुपे पाटील ,म्हणाले या मंत्र्यांना पत्रकारांनी विचारल्यावर समजले ,कि पुण्याचं पाणी पोलीस बंदोबस्तात कापले आहे. आणि याबाबत ते माहिती घेतो असे म्हणाले .सणासुदीच्या दिवसात ,पूर्वकल्पना न देता अचानक पणे पुण्याचं पाणी सकाळी कापण्यात आलं हे धक्कादायक आहे. पालकमंत्री आणि पाटबंधारे यांनी निट नियोजन केलं नाही त्यामुळे ऑक्टोबर महिन्यात पाणी कपातीची ऐतिहासिक वेळ या भाजपवर पाणी असताना येवून ठेपली . खरे तर पाणी धरणात आहे . पाऊस झालेला आहे . असेही ते म्हणाले .