पुणे-बी आर टी नंतर आता सायकल ट्रॅक आणून खाजगी वाहनांचा गळा दाबू पाहणाऱ्या महापालिकेच्या आयुक्त कुणाल कुमार यांचा , दिल्लीला कूच करण्यापूर्वी अखेर पुणेकरांची आर्थिक लुटमार करणारा, ‘औरंगजेबी वार ‘ ठरणारा प्रस्ताव उद्या सकाळी ९ वाजता होणाऱ्या स्थायी समितीच्या बैठकीत, भाजपची मंजुरी मागायला दाखल होतो आहे . अखेर महापालिका आयुक्त कुणाल कुमार यांनी या प्रस्तावाद्वारे का होईनात ,’औरंगजेबाला शरमेने मान खाली घालायला लावील ‘असा .. हा ‘अखेरचा वार’ पुणेकरांवर केला आहे , असे कोणी म्हटले तर नवल वाटणार नाही .. पण भविष्यात नक्कीच महापालिकेतील भाजपचे तख्त उलथवून टाकल्याशिवाय रहाणार नाही असा हा ‘वार ‘ पुणेकरांच्या वर्मी बसणार आहे . आता हा वार करणाऱ्या या ‘औरंगजेबी’ प्रस्तावाला बळ द्यायचे कि नाही याचा निर्णय … आमदार जगदीश मुळीक यांचे स्थायी समिती अध्यक्ष झालेले बंधू योगेश मुळीक यांना आणि त्यांच्या स्थायी समितीतील सदस्यांना घ्यायचा आहे .मुळीक यांच्या अध्यक्षतेखाली होणाऱ्या पहिल्या बैठकीत हा प्रस्ताव येतो आहे . त्या दृष्टीने त्यांची आणि शहर भाजपा अध्यक्ष गोगावले यांची देखील या प्रस्तावाद्वारे कसोटी लागणार आहे .
अगदी सामान्यातल्या सामान्य , आणि मध्यमवर्गीयांची लुट करणाऱ्या या प्रस्तावाचे नाव आहे …
पे अँड पार्क …
पे अँड पार्क … असे या प्रस्तावाचे नाव असले तरी काळजी पूर्वक वाचा , कारण तो नेहमीप्रमाणे नाही …
दरवर्षाला हा प्रस्ताव झोपडपट्टीपासून ,गल्ली बोळा पासून ते शहरातील सर्व सार्वजनिक रस्त्यावर लागू करण्यासाठी आणला जातो आहे . ज्याद्वारे प्रत्येकाच्या घरातून हजारो रुपयांची ‘लुट ‘करण्यात येणार आहे .विशेष म्हणजे अद्याप कॉंग्रेस किंवा राष्ट्रवादी अशा विरोधी पक्षांनी याबाबत अवाक्षरही न काढल्याने त्यांच्या महापालिकेतील सदस्यांबाबत देखील संतापाचे वातावरण जनतेत पसरू शकणार आहे .
—————————————————————–
काय आहे हा प्रस्ताव, जो महापालिका आयुक्त कुणालकुमार यांनी ठेवला आहे …
सार्वजनिक रस्त्यावर पार्किंग
सकाळी ८ ते रात्री १० यावेळेत
प्रती तास जागेच्या आकारमानानुसार 50 रुपये होतात
पण आपण ३५ रुपये प्रती तास आकारू ….
रात्री १० ते सकाळी ८ वाजेपर्यंत पार्किंग ची वार्षिक आकारणी होईल ती असले १८ हजार २५० रुपये .
आता पुण्यात जिथे अविकसित वाडे इमारती आहेत , घरे आहेत किंवा समाविष्ट गावांमधील इमारती घरे आहेत तिथे होणाऱ्या पार्किंगसाठी रात्री १० ते सकाळी ८ या वेळेत वार्षिक पार्किंग चे दर असतील ९ हजार १२५ रुपये
जिथे झोपडपट्टी आहे आणि वाहने पार्क केली जातात तिथे वार्षिक पार्किंग भाडे असेल 4 हजार ५६२ रुपये
पर नाईट पद्धतीने देखील पार्किंग शुल्क आकारले जाईल .जे साडेबारा रुपयांपासून 50 रुपयांपर्यंत असेल .
अशा पद्धतीने शुल्क न भारता लावली जाणारी वाहने उचलून नेण्यात येतील आणि ती सोडविण्यासाठी … ती उचलून नेण्यासाठी आलेला खर्च आणि दुप्पट ते चौपट दंडाची आकारणी प्रती दिवस , किंवा प्रती रात्र या प्रमाणे होईल ..
शहरातील फुटपाथ, सायकल ट्रॅक येथे जर वाहने पार्क केली तर अडीच हजार रुपये दंड करण्यात येईल .
वार्षिक पार्किंग शुल्क भरून महापालिकेकडून परवाने देण्याची सोय करण्यात येईल .
आणि दिवसा प्रती तास प्रमाणे वसुली साठी शहराच्या विविध भागात ठेकेदारांची नेमणूक करण्यात येईल .
——————————————————–
खरे तर एवढा जाचक , आणि पुणेकरांची आर्थिक लुटमार करणारा प्रस्ताव महापालिकेचा एखादा आयुक्त कधी ठेवू शकेल असे पुणेकरांना स्वप्नात हि वाटले नसेल ..पण हा प्रस्ताव ठेवला आहे त्याच्या फोटो कॉपी आम्ही येथे देत आहोत …
त्यामध्ये सविस्तर वाचता येईल ..
———————————–
पुणे महापालिका २००९ च्या ठरावानुसार काही ठिकाणी पार्किंग शुल्क आकारते आहे ते चार चाकीला पहिल्या तासाला 5 रुपये आणि त्यापुधील तासाला १० रुपये 11 तासाकरता हा दर २० रुपये एवढा आहे . दुचाकींना सुट दिलेली आहे .मात्र काही वाहनतळांवर दुचाकींना 2 रुपये आणि चार चाकींना 5 रुपये असा दर ठेवण्यात आला आहे .
आता कुणाल कुमार यांनी मांडलेल्या नव्या पार्किंग धोरणाच्या प्रस्तावाचे सत्ताधारी भाजप स्वागत करणार ,कि फेटाळून लावणार … कि मधला मार्ग काढीत कातडीबचाव धोरण स्वीकारणार .. हे लवकरच समजणार आहे ..