रिमोटद्वारे वीजचोरी करणाऱ्या ग्राहकांवर महावितरणची कारवाई
ओतुर (संजोक काळदंते)-
नवनवीन युक्त्या वापरुन वीज चोरी करणाऱ्या ग्राहकांचा शोध घेऊन कारवाई करण्यासाठी तितक्याच अत्याधुनीक तंत्रज्ञानाचा साह्याने वीज चोरांचा छडा लावण्यास महावितरणच्या वतीने प्रारंभ झाला असुन आळेेेेफाटा उपविभागीय कार्यालय अंतर्गत २० ग्राहकांवर कारवाईचा बडगा महावितरणने उचलला असुन यामुळे वीज चोरांचे धाबे दणाणले आहे.
आकडे टाकुन वीजचोरी या नेहमीच्या वीजचोरी पद्धती बरोबरच अलीकडच्या काळात वीजचोर विवीध क्लुप्त्या वापरुन वीजचोरी करत असल्याचे काही दिवसांपुर्वी निदर्शनास आले होते. याच पार्श्वभुमीवर महावितरणच्या आळेेेेफाटा उपविभाग अंतर्गत गेल्या आठवड्या पासुन कारवाईस प्रारंभ झाला आहे. यासाठी कार्यकारी अभियंता प्रकाश खांडेकर यांच्या मार्गदर्शनाखाली स्वतंत्र पथक स्थापन करण्यात आले आहे या मध्ये उपकार्यकारी अभियंता श्रीकांत लोथे, सहा. अभियंता विशाल नाईकनवरे, श्रीशैल्य लोहारे, रोहीत गांधी, लेखाविभागाचे महेंद्र पैठणे, एम आर काळे, लक्ष्मीकांत लिंगायत, विवेक लव्हाळे, राहुल लालगुडे आदींचा समावेश आहे. या पथकाने पहिल्या टप्प्यात ओतुर शहर शाखा अंतर्गत मिटर मध्ये फेरफार करुन वीज चोरी करणाऱ्या २० ग्राहकांचा शोध घेऊन त्यांच्यावर दंडात्मक कारवाई करण्यात आली आहे. तसेच यापुढे देखील ही कारवाई नियमीत सुुुुरु राहणार असल्याचे उपकार्यकारी अभियंता श्रीकांत लोथे यांनी सांगीतले. महावितरणच्या या धडक कारवाईमुळे परिसरातील वीज चोरी करणाऱ्यांंचे धाबे दणाणले आहे. तर अशा प्रकारे वीज चोरी करणाऱ्या व्यक्तींची माहिती सुजान नागरिकांनी महावितरणच्या कार्यालयास कळवावी असे आवाहन गुणवत्ता व नियंत्रण विभागाचे सहाय्यक अभियंता विशाल नाईकनवरे यांनी केले आहे.