पुणे-पुणे म्हणजे खवैय्यांचे शहर अशी ख्याती आहे ,खावो ,खिलावो ,मौज करो हे ब्रीद जीवनात आचरणारे पुणेकर बहुसंख्य भेटतील.पुण्यात खाणाऱ्यांची उणीव नाही तशी खाऊ घालणाऱ्यांची देखील नसावी . आणि अशा खाऊ खिलाडी वृत्तीच्या पुणेकरांना रमजान च्या महिन्यात एक खिलानेवाला खिलाडी खुणावतो आहे. आणि त्याच्याकडे पुणेकर मोठ्या संख्येने गर्दी करत आहेत . अशा माणसाची खिलाडीची जाहिरात तोंडोतोंडी होते , तसे आमच्या सारख्या पंचतारांकित हॉटेलापासून ते हातगाडीवरही खाणाऱ्या खवय्यांना नदीम इनामदारने कॅम्पातील सलीम भाई च्या स्टाॅलची माहिती दिली आणि वेळ होती संध्याकाळी पावनेसातची… त्यात मध्येच एडविन रोबर्ट भेटला .. आणि त्याला पत्ता विचारला तर , काय खायला चाललात काय ? असा सवाल करत त्याने हाताने रस्ता दर्शविला ..अर्थात आम्हाला हा रस्ता ठाऊक होताच पण … हा स्टाॅल , तेथील खाऊगिरी नवखी होती . मग प्रथम आस्वाद घेतला .. आणि मग मात्र सलीम भाई शी बोलल्या शिवाय राहवले नाही … त्याची माहिती घेतली ..आणि ‘अन्न्दाताभव ‘ म्हणून व्हिडीओ रिपोर्ट हि केला …
सलीम शाह (वय 32) हे रस्तापेठेतील पावर हाउस येथील प्रसिद्ध केटरर आहे. 2009 साली त्यांनी छोट्या जागेत व्यावसाय सुरु केला आणि आज ते शहरातील एक अग्रगण्य केटरर बनला आहे. त्याच्याकडील रमजानच्या विषेश 45 खाद्यपदार्था व्यतिरीक्त शाह नवाबी सिक, शाह नवाबी तिलक आणि शाह नवाबी गोल्ड कबाब या पदार्थासाठी लोक बराच वेळ रांगेत उभे असतात. त्याचे म्हणणे आहे स्टर्टर प्रत्येक ठिकाणी उपलब्ध असतात परंतु आपल्याकडे सर्व वयोगटांतील व्यक्तीच्या तोंडाला पाणी सुटेल असे स्टार्टर उपलब्ध आहेत. नवाबी सिक व नवाबी टिक्का वगळता इतर पदार्थाचा दर 30 रुपये आहे आणि नवाबी सिक व नवाबी टिक्का यांचा दर अनुक्रमे 60 रु व 100 रु आहेत तर तंदूरि बिर्याणी 120 रुपयाला आहे. लखनऊयेथील बदशाह नगर मधील एका नातेवाईकाकडून त्यांनी हे कौशल्य आत्मसात केल्यावर 1998 मध्ये तो पुण्यात आला.. 400 चौ फुटाच्या किचन मध्ये त्याने या व्यवसायाला सुरुवात केली यात त्यांना सामाजिक कार्यकर्ते आणि प्रतिष्ठित व्यापारी राजू श्रीगिरी आणि त्यांचे भाऊ आनंद श्रीगिरि यांच्याकडून भरपूर सहकार्य मिळाले. त्यांच्या येथे सर्व खाद्यापदार्थ स्वस्त दरात उपलब्ध आहेत जे इतर ठिकाणच्या तुलनेत जवळजवळ अर्ध्या किंमतीहून कमी आहे. पुणे कॅम्पमधील लष्कर न्यायालयाच्या समोर राणी लक्ष्मीबाई उद्याना जवळ ते सायंकाळी 5 ते 10 वाजेपर्यंत व्यवसाय चालवतो . नवाबी सिक, टिक्का, गोल्ड कबाब आणि बिर्याणी हे पदार्थ संपूर्ण वर्षभर उपलब्ध असतात. डॉलरकबाब सोबत मेयोनीज हे या हंगामाची खासियत आहे ज्याच्यासाठी लोक खुप गर्दी करतात. एका तासात 4000 डॉलर कबाब विकले जातात आणि या एका तासामुळे मांसाहारी पदार्थांची खूप मागणी आहे हे समजते.
सलीम यांना त्यांचा लहान भाऊ अबरार शाह यांनी खूप सहाय्य केले आहे. खाद्यपदार्थामध्ये नावीन्यपूर्ण बदल करुन पुण्यातील खवय्यांना त्याने साद घातली आहे.
एकाच वेळी 300 लोकांपर्यंत रांग असते. सलीम शाह आपल्या बनला आहे .या ग्राहकांमधे 80 टक्के लोक मुस्लिमेतर समुदायाचे आहेत ज्यांना सलीम शाह यांचे रमजानचे मांसाहारी पदार्थ खुप आवडतात