पुणे : महावितरणच्या पुणे प्रादेशिक विभाग अंतर्गत आंतरपरिमंडलीय नाट्यस्पर्धेत पुणे परिमंडळाचे ‘मेकअप 1986’ हे नाटक सर्वोत्कृष्ट ठरले. तर कोल्हापूर परिमंडलाचे ‘ओय लेले’ या नाटकला द्वितीय क्रमांकाचे पारितोषिक मिळाले.
येथील भरत नाट्यमंदिरात रविवारी (दि. 7) दोन दिवसीय नाट्यस्पर्धेचा समारोप झाला. महावितरणचे मुख्य अभियंता श्री. एम. जी. शिंदे (पुणे), श्री. नागनाथ इरवाडकर (बारामती) व श्री. किशोर परदेशी (कोल्हापूर) यांच्याहस्ते नाट्यस्पर्धेतील विजेत्यांना करंडक व प्रशस्तीपत्र देऊन गौरविण्यात आले. यावेळी व्यासपीठावर परिक्षक सौ. मेधा गोखले, श्री. भालचंद्र पानसे, श्री. दिलीप जोगळेकर तसेच अधीक्षक अभियंता श्री. महेंद्र दिवाकर व श्री. राजेंद्र पवार, श्री. हेमंत नगरकर यांची उपस्थिती होती.
पुणे परिमंडलाने श्रीरंग गोडबोले लिखित ‘मेकअप 1986’ हे नाटक सादर केले. मानवी नात्यांचा उत्कंठावर्धक नाट्यातून वेध घेणार्या सादरीकरणाला प्रेक्षकांचा भरभरून प्रतिसाद मिळाला. श्री. हेमंत नगरकर दिग्दर्शित या नाटकामध्ये सौ. अपर्णा मानकीकर, श्री. संतोष गहेरवार, श्री. विवेक शेळके, श्री. सचिन निकम, श्री. उदय लाड, श्री. प्रदीप मुजुमदार आदी प्रमुख भूमिकेत होते. बारामती परिमंडलाने श्री. रामचंद्ग खाटमोडे व श्री. विनोद वणवे लिखित ‘गाभारा’ हे नाटक सादर केले. अतिशय ह्रदयस्पर्शी नाटकाने सरोगेट मदर विषयावरील वास्तव समोर ठेवले व त्यास नाट्यरसिकांनीही दाद दिली. श्री. श्रीकृष्ण वायदंडे दिग्दर्शित या नाटकात श्री. दत्तात्रय चव्हाण, श्री. विलास काळे, श्री. राम चव्हाण, श्री. बाबासाहेब झगडे, कु. शुभांगी बारसे, कु. रेश्मा इंगोले, सौ. सारिका जाधव, कु. मोनिका पितळे, कु. प्राजक्ता घाडगे आदी कलावंतांनी भूमिका केल्या.
कोल्हापूर परिमंडलाने श्री. दिपेश सावंत लिखित ‘ओय लेले’ ही नाट्यकृती सादर केली. श्री. राजेंद्ग जाधव यांनी दिग्दर्शित केलेल्या या नाटकातील प्रसंगांनी नाट्यरसिकांना हेलावून सोडले. ‘ऑनलाईन खरेदी व विक्री’च्या वेडातून थेट नातेसंबंधांचा व्यवहार अन् त्यातील अगतिकता या विषयाला श्री. राजेंद्ग जाधव, सौ. माधुरी गोसावी, श्री. सचिन माने, श्री. सोनाली बेंद्रे, श्री. संदीप मुळे आदी कलावंतांनी अभिनयाद्वारे कथानकाला योग्य न्याय दिला.
नाट्यस्पर्धेमध्ये सर्वोत्कृष्ट नाटक म्हणून पुणे परिमंडलाच्या ‘मेकअप 1986’ या नाटकाला परीक्षकांनी कौल दिला तर कोल्हापूर परिमंडलाच्या ‘ओय लेले’ या नाट्यकृतीला द्वितीय क्रमांक मिळाला. यासोबतच दिग्दर्शन – श्री. हेमंत नगरकर (पुणे), अभिनय (स्त्री) – सौ. अपर्णा माणकीकर (पुणे), अभिनय (पुरुष) – श्री. विवेक शेळके (पुणे), नेपथ्य – श्री. राजीव पुणेकर (पुणे), प्रकाशयोजना – श्री. सुनील शिंदे (कोल्हापूर), पार्श्वसंगीत – श्री. स्वप्नील काटकर (कोल्हापूर), वेषभुषा – सौ. सुप्रिया पुंडले, रंगभुषा- सौ. शैलजा सानप यांना प्रथम क्रमाकांचे पारितोषिक मिळाले. तर अभिनयाच्या उत्तेजनार्थ पारितोषिकासाठी श्री. संतोष गहेरवार (पुणे), श्री. राम चव्हाण (बारामती), कु. प्राजक्ता घाडगे (बारामती) व कु. रेश्मा इंगोले (बारामती) यांची निवड करण्यात आली. बारामती येथे फेब्रुवारीमध्ये होणार्या राज्यस्तरीय नाट्यस्पर्धेत पुण्याचे ‘मेकअप 1986’ हे नाटक पुणे प्रादेशिक विभागाचे प्रतिनिधीत्व करणार आहे.
समारोपीय कार्यक्रमापूर्वी महावितरणच्याच कलावंतांनी संगीत रजनीचा कार्यक्रम सादर केला. यावेळी मुख्य अभियंता श्री. एम. जी. शिंदे, श्री. विकास निकम, श्री. अजित पानसे, सौ. अपर्णा माणकीकर, श्री. विवेक शेळके, श्री. संतोष गहेरवार यांनी मराठी व हिंदी गीत सादर करून प्रेक्षकांची मने जिंकली. कार्यक्रमाचे सूत्रसंचालन श्री. विकास निकम यांनी केले तर श्री. हेमंत नगरकर यांनी आभार मानले.