पुणे, दि. 28 ऑक्टोबर : महाराष्ट्र राज्याचे पशुसंवर्धन, दुग्ध व मत्सविकास मंत्री आणि राष्ट्रीय समाज पक्षाचे अध्यक्ष महादेव जानकर आज पुण्यामध्ये आले होते. यावेळी त्यांनी खासदार संजय काकडे यांची घरी जाऊन भेट घेतल्याने राजकीय चर्चेला उधान आले आहे.
जानकर यांनी बारामती लोकसभा मतदार संघातून निवडणूक लढविली असून यावेळी ते प्रबळ दावेदार आहेत. बारामती लोकसभा मतदार संघात येणाऱ्या खडकवासला, पुरंदर व भोर विधानसभा मतदार संघात खासदार संजय काकडे यांची ताकद लक्षणीय आहे. त्यामुळे लोकसभा निवडणुकीचा भाग म्हणूनच मंत्री जानकर यांनी खासदार काकडे यांची भेट घेतल्याची चर्चा राजकीय वर्तुळात सुरु आहे.
लोकसभा निवडणुकीबरोबरच त्यानंतर येणाऱ्या विधानसभा निवडणुकीसंदर्भातही यावेळी दोघांमध्ये सविस्तर झाल्याचे समजते. राजकारणाबरोबरच राज्यातील दुष्काळाची परिस्थिती, शेतकऱ्यांची स्थिती, आरक्षण, विकासकामे इत्यादी संदर्भातही चर्चा झाली.
मंत्री जानकर यांना सोडण्यासाठी खासदार काकडे घराबाहेर त्यांच्यासोबत गेले. त्यावेळी गाडीत बसण्यापूर्वी मंत्री जानकर हे खासदार काकडे यांची गळाभेट घ्यायला विसरले नाहीत. जानकरांनी काकडे यांची घेतलेली गळाभेट उपस्थितांमध्ये चांगलीच चर्चेची ठरली आहे.