पुणे-गेली सात वर्षे आपल्या रूग्णालयात मुलींचा जन्म झाल्यास प्रसूतीचे संपूर्ण शुल्क माफ करणारे हड़पसर मधील मेड़ीकेअर हाॅस्पिटलचे प्रमुख ड़ाॅ.गणेश राख यांना जागतिक कन्या दिनाच्या पूर्वसंध्येला कर्तव्य फाऊंडेशनतर्फे विशेष शाखेच्या पो.निरीक्षक वैशाली चांदगुड़े यांच्या हस्ते “कर्तव्य सेवा सन्मान” देऊन गौरविण्यात आले.यावेळी फाऊंडेशनचे अध्यक्ष विकास भांबुरे,ड़ाॅ.बंटी धर्मा,अशोक देशमुख,गणेश शेलार,अक्रम शेख,दिलीप भिकुले,अजित राख आदी उपस्थित होते.
“ड़ाॅ.गणेश राख यांनी प्रत्यक्ष कृतीतून “मुलगी वाचवा” या चळवळीत दिलेले योगदान कौतुकास्पद असून इतरांनीही त्यांचा आदर्श घ्यावा”असे मत यावेळी पो.निरीक्षक चांदगुड़े यांनी व्यक्त केले.
यापूर्वी सुपरस्टार अमिताभ बच्चन यांनीही ड़ाॅ.राख यांचा गौरव केला असून त्यांना अनेक पुरस्कारही मिळाले आहेत.
ड़ाॅ.गणेश राख यांनी कर्तव्य फाऊंडेशनचे आभार व्यक्त केले तसेच आपल्या कार्याचे अनेकांनी अनुकरण केल्याने समाधान वाटत असल्याचे मत व्यक्त केले.