पुणे : प्रसिद्ध संगीतकार नौशाद अली आणि गीतकार मजरुह सुलतानपुरी यांच्या जन्मशताब्दी निमित्त आयोजित ‘तु ही नजरों में…तु ही नजारों में’ हा विशेष कार्यक्रम मंगळवार, दि. ५ फेब्रुवारी २०१९ रोजी कोथरूड येथील यशवंतराव चव्हाण नाट्यगृहात होणार आहे. सरस्वती, अंतर्नाद आणि महक या संस्थांच्या वतीने या कार्यक्रमाचे आयोजन केले आहे.
गायक जितेंद्र अभ्यंकर, अली हुसेन, गायिका मनीषा निश्चल, भाग्यश्री अभ्यंकर यांचे बहारदार गायन अनुभवण्याची संधी रसिकांना मिळणार आहे. संगीत संयोजन केदार परांजपे, तर निवेदन सुलभा तेरणीकर यांचे निवेदन असणार आहे. प्रसाद गोंदकर, रमाकांत परांजपे, विक्रम भट, केदार मोरे, अभिजित भदे, विशाल थेलकर, विजू मूर्ती, दर्शना जोग, निलेश देशपांडे व बाबा खान हे वाद्यांवर साथसंगत करणार आहेत.