पुणे -सामाजिक न्याय विभागामार्फत मागील चार वर्षाच्या काळात घेण्यात आलेले महत्वपूर्ण निर्णय व राबविण्यात आलेल्या योजनांच्या संदर्भात सामाजिक न्याय मंत्री राजकुमार बडोले १५ नोव्हेंबर रोजी सकाळी 11-30 वा राज्यातील नागरिकांशी, विद्यार्थ्यांशी व सामाजिक न्याय विभागांतर्गत कार्यरत सर्व कर्मचारी यांच्या समवेत पार्थ नॉलेज नेटवर्क, ऐरोली, नवी मुंबई येथील डिजीटल प्लॅटफॉर्म वरुन ई-लाईव्ह संवाद साधणार आहेत.
सदर कार्यक्रमाचे प्रक्षेपण http://elearning.parthinfotech.in/ या लिंकव्दारे प्रसारित करण्यात येणार आहे. तसेच ज्या व्यक्तींना/विद्यार्थ्यांना प्रश्न विचारावयाचे असतील त्यांनी 8384858685 या मोबाईल क्रमांकावर WhatsApp व्दारे प्रश्न विचारावेत.
सर्व संबंधितांना याची नोंद घ्यावी व या उपक्रमात मोठया प्रमाणात सहभाग नोंदवावा असे आवाहन मिलिंद शंभरकर, समाज कल्याण आयुक्त, महाराष्ट्र राज्य, पुणे यांनी केले आहे.