पुणे-पुण्याच्या विकासाच्या बाबतीत खोटी माहिती देऊन गिरीश बापट यांनी सातत्याने प्रचारात
फेकुगिरी चालवली आहे त्यांचा हा प्रकार पाहिल्यानंतर गिरीश बापट हे छोटे मोदीच ठरले आहेत
अशी टीका काँग्रेस-राष्ट्रवादी कॉंग्रेस व मित्र पक्षांचे उमेदवार मोहन जोशी यांनी केली. वडगाव शेरी
विधानसभा मतदार संघातील पदयात्रेचा समारोप करताना ते म्हणाले की, पुण्याच्या विकासासाठी
स्मार्ट सिटी मार्फत पुण्याला साठ हजार कोटी रुपये दिल्याचे बापट सांगतात पण प्रत्यक्षात स्मार्ट
सिटी साठी केंद्र सरकारकडून जेमतेम तीनशे कोटी रुपयेच आले आहेत अशा प्रकारे फेकुगिरी
करणाऱ्या या छोट्या मोदीला पुणेकर या निवडणुकीत धडा शिकवतील असे जोशी म्हणाले. ही
विशाल पदयात्रा आयोजन करण्यात बापूसाहेब पठारे, प्रकाश मस्के, सुनील टिंगरे, विकास टिंगरे,
किशोर विटकर आदींचा विशेष पुढाकार होता.
या प्रसंगी राष्ट्रवादी कॉंग्रेस चे माजी आमदार बापूसाहेब पठारे यांनी भाजप वर घणाघाती टीका
केली. कॉंग्रेस व राष्ट्रवादी कॉंग्रेसने पुण्याचा जो विकास केला त्याच्या १% देखील विकास काम
भाजपने पुण्यात केले नाही. असे सांगून वडगावशेरी विधानसभा मतदार संघातून मोहन जोशींना
आम्ही सर्वाधिक्य मतदान देऊ असे टाळ्यांच्या गजरात त्यांनी घोषित केले.
वडगावशेरी विधानसभा मतदार संघात आज कळस विश्रांतवाडी चौक येथून पदयात्रेस प्रारंभ झाला. काँग्रेस-
राष्ट्रवादी कॉंग्रेस व मित्र पक्षांचे झेंडे घेऊन शेकडो कार्यकर्ते पदयात्रेत सहभागी झालेत. अनेक
चौकांमध्ये जोरदार फटाके उडवले गेले. मार्गावर ठीक ठिकाणी व्यापारी व नागरिक तसेच गणेश
मंडळांच्या कार्यकर्त्यांनी पदयात्रेतील सहभागींना थंड पाणी, उसाचा रस, लिंबू सरबत देऊन त्यांचे
जोरदार स्वागत केले. ही पदयात्रा धानोरीगाव – गोकुळ नगर – टिंगरे नगर – बर्माशेल – कलवड – खेसे
पार्क – गुरुद्वारा – वडगाव शिंदे – निरगुडी लोहगाव येथे समाप्त झाली. या पदयात्रे नंतर मोहन जोशी यांनी
परिसरातील मान्यवरांच्या भेटीगाठी घेऊन विजयी करण्याचे आवाहन केले.
या पदयात्रेत आमदार शरद रणपिसे, बापूसाहेब पठारे, सुनील टिंगरे, सुनील मलके, संगीता देवकर,
सतीश मस्के, रेखा टिंगरे, राजेंद्र शिरसाठ, किशोर विटकर, अमृता मस्के, हुलगेश चलवादी, राहुल शिरसाठ,
उषा गलांडे, संतोष गलांडे, रमेश खांदवे, राजेंद्र खांदवे, संपत देवकर, सुभाष काळभोर, अर्जुन गरुड, संदीप
मोझे, पांडुरंग खेसे, भगवान जाधव, राजेंद्र कांबळे, नाना नलावडे, जॉन पॉल, अरुण वाघमारे, ज्ञानेश्वर मोझे,
विनायक माळी, जितेंद्र गुप्ता, बाबा नायडू, शिवानी माने, सुनील गोगले, विशाल मलके, रमेश सकट, आशुतोष
जाधव, बंटी मस्के, विकास टिंगरे, सुनिता भोसले, संतोष आरडे, सुनील मोझे, विजय साबळे, कातुरे यांसह
कॉंग्रेस – राष्ट्रवादी कॉंग्रेस व मित्रपक्षांचे शेकडो कार्यकर्ते सहभागी झाले होते.