मुख्यमंत्री देवेंद्र फडणवीसांच्या मंगळवारी पुण्यात २ सभा -15 दिवसात दीडशे पथनाट्यासाठी टीम सज्ज
पुणे-
पुणे लोकसभा मतदारसंघातील महायुतीचे उमेदवार गिरीश बापट यांच्या प्रचारार्थ मुख्यमंत्री देवेंद्र फडणवीस मंगळवारी (९ एप्रिल) संध्याकाळी दोन जाहीर सभा घेणार आहेत. पर्वती व कॅन्टोन्मेंट विधानसभेसाठी संयुक्त आणि वडगावशेरी विधानसभा मतदारसंघात सभांचे नियोजन करण्यात आले असल्याची माहिती भाजपचे संघटन सरचिटणीस मुरलीधर मोहोळ यांनी आज पत्रकार परिषदेत दिली. शिवसेनेचे प्रसिद्धी प्रमुख राजेंद्र शिंदे, आरपीआयचे प्रसिद्धी प्रमुख ऍड. मंदार जोशी उपस्थित होते.
सांस्कृतिक आघाडीच्या वतीने पथनाट्य भारतीय जनता पार्टीच्या प्रदेश आणि शहर सांस्कृतिक आघाडीच्या वतीने महायुतीचे उमेदवार गिरीश बापट यांच्या प्रचारार्थ पथनाट्याची निर्मिती केली आहे. पथनाट्याचे दोन संघ असून प्रत्येक संघात पाच कार्यकर्त्यांचा समावेश आहे. दररोज दहा प्रयोग करण्यात येणार आहेत. पुढच्या पंधरा दिवसात शहराच्या विविध भागांत दीडशे प्रयोग करण्यात येणार आहेत.
पथनाट्याची वैशिष्ट्ये
‘ पथनाट्याचे नाव ः फिर एक बार, मोदी सरकार
‘ लेखक ः विजय मंगेश पगारे
‘ सादरकर्ते ः भाजप सांस्कृतिक आघाडी
‘ गेल्या पाच वर्षांमध्ये केंद्र सरकारच्या माध्यमातून केलेले विविध विकास प्रकल्प आणि शासनाच्या विविध कल्याणकारी योजनांबाबत जनजागृती करणे
‘ मेट्रो प्रकल्प, नोकरी व्यवसाय संधी, शेतकर्यांना दिलेल्या सुविधा हे विषय निवडले आहेत
‘ एकूण दोन टीम
‘ दररोज दहा प्रयोग
‘ एकूण १५० शो करणार
‘ कलाकार टीम १ः सुजित मेस्ट्री, नितीन जाधव, मनोज भिसे, प्रायजोत शिंदे, प्राप्ती भोसले
‘ कलाकार टीम २ ः यतिन पवार, मंथन खांडगे, प्रतिक पवार, प्रथमेश पाटील, ऐश्वर्या बापट