पुणे- ख्रिसमस आणि नववर्षाचे स्वागत करण्यासाठी रविवार, दि. 23 डिसेंबर 2018 रोजी पुण्यातील पाषाण परिसरातील सुस रोड येथील लोकसेवा ईस्कूल येथे दुपारी 2 ते रात्री 10 या वेळेत ‘न्यू ईअर फेस्ट-फूड, फन, शॉप अॅन्ड सेलिब्रेट’ याचे आयोजन करण्यात आले आहे. तारका फाउंडेशनचे आशिष कांटे व सहकारी यांनी याचे आयोजन केले आहे.
यामध्ये सुमारे 3 एकर जागेत बच्चे कंपनीसाठी सांताक्लॉज आणि जंपिंग राईड्स, वॉटर राईड, उंट व घोड्यावरून सफर, बग्गीची फेरी आदी आकर्षणे असतील. ‘संगीत सम्राट’ हा प्रख्यात बँड रसिकांचे मनोरंजन करेल. याबरोबरच मराठी व हिंदी चित्रपट कलावंतांची हजेरी हे देखील विशेष आकर्षण असणार आहे. यासोबतच लकी ड्रॉ, क्वीझ स्पर्धा, पार्टी गेम्स् यांचा आनंद सर्वांना लुटता येईल.
या न्यू ईयर फेस्ट मध्ये विविध खाद्य पदार्थांचे स्टॉल्स् असणार असून महिला उद्योगांसाठी प्रोत्साहन म्हणून विविध स्टॉल्स देण्यात आले आहेत. त्यामध्ये कुर्ते, चांदीचे दागिने, खेळणी, इमिटेशन ज्वेलरी अशी विविध विक्री दालने देखील असतील. सांताक्लॉज बरोबर फोटो काढण्यासाठी तेथे सेल्फी पॉईंट देखील उभारण्यात आला आहे.
याप्रसंगी पुणे व पिंपरी चिंचवड वृत्तपत्र विक्रेता संघाच्या नवनिर्वाचित 20 पदाधिकार्यांचा स्मृतीचिन्ह, शाल, श्रीफळ व पुष्पगुच्छ देऊन सत्कार करण्यात येणार आहे. या आनंद सोहळ्यात सहभागी होण्यासाठी नागरिकांनी मोठ्या संख्येने यावे असे आवाहन आशिष कांटे यांनी केले आहे. अधिक माहितीसाठी skeventspune.com या वेबसाइटवरती संपर्क साधावा.