पुणे– केंद्रीय सतर्कता कामिशनच्या मार्गदर्शक तत्वांनुसार दिनांक 29 ऑक्टोबर ते 3 नोव्हेंबर 2018 दरम्यान बँक ऑफ महाराष्ट्रमद्धे ‘सतर्कता सप्ताह’ आयोजित करण्यात येत आहे. या सप्ताहाचे आयोजन बँकेच्या सर्व शाखा, अंचल कार्यालये आणि महाराष्ट्र ग्रामीण बँक येथे करण्यात येत आहे.
पुणे पूर्व अंचल येथे आयोजित करण्यात आलेल्या सतर्कता सप्ताहाचा प्रारंभी महापौर मुक्ता टिळक यांनी उपस्थितांना सतर्कता प्रतिज्ञा दिली. स्वत: महापौरांनी इलेक्ट्रोंनिक माध्यमातून वेबसाईटद्वारे ‘ऑन लाईन प्रतिज्ञा’ घेऊन या सप्ताहाचा प्रारंभ केला. यावेळी अंचल प्रमुख श्री मानियार म्हणाले की, प्रत्येक नागरिकाने शपथेप्रमाणे वर्तणूक करून भारताला भ्रष्टाचार मुक्त करायला हवे. यावेळी बँक कर्मचार्यांसाह आय पी सक्सेना अकादमीचे प्रशिक्षणार्थी उपस्थित होते.
या सप्ताहामध्ये प्रामाणिकपणाची वृद्धी आणि भ्रष्टाचाराचे निर्मूलन करण्याच्या व्यापक कार्यात जनसामान्यांना सामील करण्याच्या उद्दीष्ट संकल्पनेसाठी बँकेद्वारा विविध कार्यक्रमांचे आयोजन करण्यात आले आहे. भ्रष्टाचारमुक्त समाजनिर्मितीच्या कार्यासाठी सर्वसामान्यांच्या प्रबोधनाकरिता नागरिकांना सहभागी करून घेण्यात आले आहे. भ्रष्टाचार निर्मूलन संबंधित विषय घेऊन शाळा, महाविद्यालयीन विद्यार्थी तसेच बँक कर्मचारी यांसाठी वक्तृत्व स्पर्धांचे आयोजन करण्यात आले आहे. बँकेचे कर्मचारी आणि अधिकारी वेबसाईटद्वारे ‘ऑन लाईन प्रतिज्ञा’ घेत आहेत. सप्ताहाचा समारोप 3 नोव्हेंबर रोजी बँकेच्या मुख्य कार्यालयात होईल.