लक्ष्मीबाई वाडेकर यांचा अमृतमहोत्सवी सत्कार
संघर्षातून कुटुंबाला उभे करणार्या पाच महिलांचा विशेष सन्मान
पुणे : रोजंदारी करुन जीवनातील संघर्षाशी दोन हात करीत कुटुंबाला घडवणार्या आंबेडकरी चळवळीतील ज्येष्ठ कार्यकर्त्या आणि रिपब्लिकन पार्टी ऑफ इंडियाचे (आठवले गट) नेते परशुराम वाडेकर यांच्या मातोश्री लक्ष्मीबाई बाळकृष्ण वाडेकर यांच्या अमृतमहोत्सवी सत्कार समारंभाचे आयोजन केले आहे. संघर्षातून कुटुंबाला उभे करणार्या पाच विशेष महिलांचा सन्मानही यावेळी होणार आहे.
रविवार, दि. 24 फेब्रुवारी 2019 रोजी सायंकाळी 6.30 वाजता बालगंधर्व रंगमंदिर, पुणे येथे हा समारंभ होणार आहे. या कार्यक्रमासाठी केंद्रीय राज्यमंत्री रामदास आठवले, पुण्याचे पालकमंत्री गिरीश बापट, महापौर मुक्ता टिळक, उपमहापौर डॉ. सिद्धार्थ धेंडे, पीपल्स रिपब्लिकन पार्टीचे अध्यक्ष प्रा. जोगेंद्र कवाडे , ज्येष्ठ सामाजिक कार्यकर्ते बाबा आढाव, ज्येष्ठ विचारवंत डॉ. रावसाहेब कसबे, खासदार अनिल शिरोळे, शिक्षणतज्ज्ञ डॉ. पी. ए. इनामदार यांच्यासह इतर अनेक मान्यवर उपस्थित राहणार आहेत.