पुणे-महाराष्ट्र प्रदेश काँग्रेस कमिटीच्या आदेशानुसार पुणे शहर जिल्हा काँग्रेस कमिटी व
पिंपरी चिंचवड काँग्रेस कमिटीच्या वतीने चारूज् फार्म, तरवडे चाकण, एम.आय.डी.सी.
लिंक रोड, पुणे येथे दि. २१ व दि. २२ ऑक्टोबर २०१८ रोजी दोन दिवसीय ‘संवाद’
कार्यकर्ता प्रशिक्षण शिबीराचे आयोजन करण्यात आले असून या शिबीरामध्ये पदाधिकारी व
कार्यकर्त्यांना काँग्रेस पक्षाची विचारधारा व महत्व याची माहिती देण्यासाठी प्रशिक्षण
आयोजित केले असून वेगवेगळे तज्ञ, नेते मार्गदर्शन करणार आहेत. महाराष्ट्रातून पहिल्यांदा
पश्चिम महाराष्ट्रात पुणे येथे या शिबीराची सुरूवात होणार आहे. या प्रशिक्षण शिबीरामध्ये
तज्ञांचे मार्गदर्शन, प्रबोधनपर भाषणे, प्रोजेक्टद्वारा माहिती व एकत्रित चर्चा आणि संवाद
असे कार्यक्रमाचे स्वरूप राहणार आहे. सदर शिबीर पुणे शहर व पिंपरी चिंचवड शहर
एकत्रित होणार असून या नंतर ब्लॉक स्तरावर एक दिवसीय शिबीर होणार आहे. या
शिबीराच्या माध्यमातून काँग्रेसची विचारधारा, पक्षाची ध्येय धोरणे कार्यकर्ता लोकांपर्यंत
पोहचविणार आहे.
या शिबीराचे उद्घाटन दि. २१ ऑक्टोबर रोजी सकाळी १०वा.माजी
मुख्यमंत्री पृथ्वीराज चव्हाण यांच्या हस्ते होणार आहे. यावेळी सर्व आजी – माजी
मंत्री, खासदार व पदाधिकारी उपस्थित राहणार आहेत. अशी माहिती पत्रकार परिषदेमध्ये
पुणे शहर काँग्रेस अध्यक्ष रमेश बागवे व पश्चिम महाराष्ट्राच्या सहप्रभारी .
सोनलबेन पटेल यांनी दिली. या पत्रकार परिषदेस म.प्र.काँग्रेस सरचिटणीस ॲड. अभय
छाजेड, माजी आमदार दिप्ती चवधरी, गोपाळ तिवारी उपस्थित होते.