१६०० स्पर्धकांचा या कार्यक्रमात सहभाग /बक्षिसांमध्ये एलजी ऑटोमॅटीक वॉशिंग मशीन, किचन सेट, पॉपअप टोस्टर इत्यादींचा समावेश
पुणे: पुण्यातील आघाडीचे वन स्टॉप होम शॉपिंग स्थळ असलेल्या रिफिलर्स व्हॅल्यू मार्टच्या प्रांगणात नुकतेच ‘जिंका १ मिनीट फ्री शॉपिंग’ या कार्यक्रमाचे आयोजन करण्यात आले होते. संपूर्ण पुण्यातील १,६०० स्पर्धकांनी या कार्यक्रमात भाग घेतला होता. २७ अंतिम स्पर्धकांपैकी तीन भाग्यवान विजेत्यांची लकी ड्रॉ च्या माध्यमातून निवड करण्यात आली आणि संपूर्ण मॉल मधून १ मिनिटात हवे ते शॉपिंग मोफत करण्याची संधी त्यांना मिळाली. या तीन भाग्यवान विजेत्यांमध्ये रेखा इंदुलकर, मुस्कान अंबी आणि नीता सराफ यांचा समावेश होता. रेखा इंदुलकर यांनी १५,७२० रुपये किंमतीची, मुस्कान अंबी यांनी १३७७६ रुपये किंमतीची आणि नीता सराफ यांनी ५१९१ रुपये किंमतीची उत्पादने जिंकली. इतर स्पर्धकांना वॉशिंग मशीन, बेड शीट कॉम्बो, डिनर सेट, पॉपअप टोस्टर, सँडविच मेकर इत्यादी बक्षिसे जिंकण्याची संधी मिळाली.
कोंढवा येथील रहिवासी आणि गृहिणी असणाऱ्या रेखा इंदुलकर ‘जिंका १ मिनीट फ्री शॉपिंग’ या कार्यक्रमाच्या विजेत्या ठरल्या. त्या म्हणाल्या, “या मॉलच्या अगदी उद्घाटनापासून येणाऱ्या काही ग्राहकांमध्ये माझा समावेश आहे. त्यामुळे हे बक्षीस जिंकल्याचा मला विशेष आनंद होत आहे. माझे सगळे कुटुंबीयही ही बातमी ऐकून खूप खूष झाले आणि मला व्यासपीठावर बसलेले बघायला इथपर्यंत आले. या स्पर्धेत सहभागी होण्याची संधी दिल्याबद्दल रिफिलर्स व्हॅल्यू मार्टचे मी आभार मानते. शॉपिंग करताना इथे मिळत असलेल्या सवलतींमुळे शॉपिंगचा एक वेगळाच आनंद मिळतो. त्यामुळे मी इथे वरचेवर शॉपिंगला येण्याचा प्रयत्न करते.”
रिफिलर्स व्हॅल्यू मार्टचे संचालक अमित गुप्ता म्हणाले, “हा कार्यक्रम आयोजित करताना आम्हांला खरोखरच खूप आनंद झाला आहे. महिला आणि गृहिणी आपल्या कुटुंबाच्या कल्याणासाठी अखंड राबत असतात. त्यामुळे त्यांना प्रेरित करण्यासाठी, त्यांना आणखी प्रफुल्लीत करण्यासाठी आम्हांला खास त्यांच्यासाठी काहीतरी विशेष करण्याची इच्छा होती. आमच्या कार्यक्रमाला मिळालेला अविश्वसनीय प्रतिसाद बघता आमचे ग्राहक इतक्या उत्साहाने या कार्यक्रमात सहभागी झाले हे बघून आम्हांला खूपच आनंद होत आहे.”
रिफिलर्स व्हॅल्यू मार्टचे क्लस्टर प्रमुख रॉकी ब्रागंझा म्हणाले, “अशा प्रकारच्या कार्यक्रमाची कल्पना करणं आणि त्याची आखणी करणं ही नाण्याची केवळ एक बाजू आहे. अशा प्रकारचा कार्यक्रम सुव्यवस्थित पार पाडणे हे मुख्य आव्हान असते. प्रत्येक ग्राहकाच्या चेहऱ्यावर उमटलेले स्मितहास्य हेच मला वाटतं या कार्यक्रमासाठी आमच्या सगळ्या कर्मचाऱ्यांनी घेतलेल्या कष्टाचे फलित आहे.”
रिफिलर्स व्हॅल्यू मार्ट (RVM) ही घाऊक आणि किरकोळ खरेदीसाठी असलेली एकत्रित प्रकारची वैशिष्ट्यपूर्ण बाजारपेठ आहे. आपल्या ग्राहकांना गुणवत्ता आणि किंमत यांचा सुरेख मिलाफ असलेल्या वस्तू उपलब्ध करून देणारा हा शॉपिंग मॉल आहे. या ठिकाणी १२,००० हून अधिक विविध प्रकारची उत्पादने उपलब्ध आहेत. त्यामध्ये गरजेच्या गोष्टी जसे की धान्य, किराणा माल, फ्रोजन पदार्थ, शीतपेये, वैयक्तिक निगेच्या गोष्टी, घरात आणि स्वयंपाकघरात लागणाऱ्या वस्तू, फॅशन आणि सौंदर्य, स्टेशनरी आणि इतर उपकरणांचा समावेश आहे. रिफिलर्स व्हॅल्यू मार्ट १.२५ लाख चौरस फुट एवढ्या परिसरात पसरलेले असून पार्किंग, पुरेसे खेळ आणि इतर करमणुकीच्या गोष्टी, क्रिकेट अकादमी, स्केटिंग अरेना, इव्हेंट आणि विविध स्वादिष्ट चवींच्या पदार्थांनी सजलेले फूड कोर्ट यांच्यासाठी इथे विपुल जागा आहे. “सर्वसामान्य माणसाच्या कुटुंबीयांनी मौजमजा करण्यासाठी एकत्र येऊन अनुभवण्याचा हा जत्रा मॉल आहे.”