पुणे: महिंद्रा अँड महिंद्रा लि. या गेली 20 वर्षे भारतातील पिक-अप श्रेणीमध्ये आघाडीवर असलेल्य कंपनीने आज, लोकप्रिय बोलेरो पिक-अप या व्यावसायिक वाहनांमध्ये सुधारणा केलेले महा स्ट्राँग, महा बोलेरो पिक-अप हे नवे वाहन दाखल केले. उत्तम अर्थार्जनाची मूलभूत गरज लक्षात घेत, महा बोलेरो पिक-अपमध्ये 1,700 किलो इतकी या श्रेणीतील सर्वाधित पेलोड क्षमता आहे. नव्या महा बोलेरो पिक-अप वाहनांमध्ये पूर्णतः नवा अंतर्भाग असेल व रूंद को-ड्राइव्हर सीटबरोबरच, आरामदायी आसनव्यवस्था असेल.
“महा” या नावाप्रमाणेच, नव्या बोलेरो पिक-अपमध्ये 9 फूट (2765 मिमी) – या क्षेणीतील सर्वाधिक लांबीचा अति-लांब कार्गो डेक समाविष्ट आहे. हा डेक 1,700 किलो या सर्वाधिक पेलोड वाहण्याच्या क्षमतेसाठी पूरक आहे. महा बोलेरो पिक-अपमध्ये डबल बेअरिंग अॅक्सल, सक्षम 9-लीफ सस्पेन्शन व भार वाहण्याच्या वाढीव क्षमतेला आधार मिळण्यासाठी रूंद 15 इंच, 12 पीआर टायर आहेत.
ग्राहकांच्या सर्वाधिक सुरक्षेच्या दृष्टीने, या वाहनामध्ये ट्विन टँडम बूस्टल एलएसपीव्ही ब्रेक्स आहेत आणि सक्षम बॉडी व चासिस आहेत. नॅशनल परमिटद्वारे देशभर हेव्ही लोड वाहून नेण्यासाठी ही वैशिष्ट्ये साजेशी आहेत. महा स्ट्राँग, महा बोलेरो पिक-अप उत्पादनांमध्ये विविध बॉडी स्टाइल्स, कार्गो बॉक्स लेंथ आणि विविध ग्राहकश्रेणी व त्यांच्या गरजा यानुसार 1,300 किलो, 1,500 किलो व 1,700 किलो पेलोड क्षमता आहेत.
सणासुदीनिमित्त, महा स्ट्राँग, महा बोलेरो पिक-अप फ्लॅट-बेड अतिशय रास्त दरामध्ये उपलब्ध असून, तिची किंमत 6.66 लाख रुपयांपासून (एक्स-शोरूम, पुणे) आहे.
महा बोलेरो पिक-अप उत्पादनांच्या नव्या वैशिष्ट्यांविषयी बोलताना, महिंद्रा अँड महिंद्रा लि.चे सेल्स व मार्केटिंग, ऑटोमोटिव्ह प्रमुख वीजय नाकरा म्हणाले, “20 वर्षांहून अधिक कालावधी बाजारातील आघाडीची कंपनी म्हणून, पिक-अप श्रेणीतील दर्जा उंचावणे व ग्राहकांना सर्वोत्तम मूल्य देणे, हा आमचा प्रयत्न राहिला आहे. महा स्ट्राँग, महा बोलेरो पिक-अप अर्थार्जनाची उत्कृष्ट क्षमता देऊ करते व या वाहनाची पेलोड क्षमता 1,700 किलो इतकी सर्वाधिक आहे आणि त्यामध्ये 9 फूट (2765 मिमी) लांबीचा कार्गो बॉक्स आहे. या महा बोलेरो पिक-अपमुळे महिंद्राच्या सक्षम व दणकट डीएनएचे मूलभूत मूल्य आणखी वाढेल, तसेच मेंटेनन्ससाठी कमी खर्च करावा लागणार असल्याने अर्थार्जनाची क्षमता वाढेल व ब्रँडला आणखी उंची प्राप्त होईल”.
महा स्ट्राँग, महा बोलेरो पिक-अपमध्ये य श्रेणीतील सर्वोत्तम “इंडिया का नं. 1 पिकअप का वादा योजना” उपलब्ध असून, ही योजना 2 वर्षे मोफत मेंटेनन्स व 4 वर्षांनी 4 लाख रुपये बायबॅक हमी देते. यामुळे अर्थार्जनाची क्षमता वाढते व ग्राहकांना मनःशांती मिळते.पिक-अप श्रेणीमध्ये 62% बाजारहिस्सा (वायटीडी सप्टेंबर 2018) असलेल्या महिंद्राने विश्वासाच्या पायावर आपल्या ग्राहकांशी गहिरे नाते निर्माण केले आहे. उत्पादनांची गुणवत्ता, त्यांचा दणकटपणा, अर्थार्जनाची क्षमता, मेंटेनन्सचा कमी खर्च व सर्वात महत्त्वाचे म्हणजे, महिंद्रा ब्रँडची विश्वासार्हता व या श्रेणीतील सर्वाधिक पुनर्विक्री मूल्य, यामुळे हे शक्य झाले आहे. आज, मालवाहतुकीच्या विविध गरजा पूर्ण करण्यासाठी महिंद्राकडे विविध पिक-अप वाहने आहेत आणि बोलरो-पिक-अप या प्रमुक ब्रँडचे 10 लाखांहून अधिक समाधानी ग्राहक आहेत. महिंद्रा पिक-अप श्रेणीतील अनेक पहिल्यावहिल्या बाबींसाठी नावाजली जाते, मग ते पहिले फ्लॅट-बेड कार्गो पिक-अप असो, पहिले डबल केबिन पिक-अप असो, पहिले एसी पिक-अप असो, पहिले सीएनजी पिक-अप वाहन असो किंवा पहिले मायक्रो हायब्रिड पिक-अप वाहन.
महिंद्रा या ब्रँडशी गहिरे नाते प्रस्थापित करत असताना, ग्राहकांच्या जीवनावर सकारात्मक परिणाम करणे व त्यांना जीवनात अधिकाधिक प्रगती व नफा मिळवण्यासाठी मदत करणे, हे उद्दिष्ट आहे. आज, महिंद्राचे विक्री व सर्व्हिसचे सक्षम जाळे देशभर पसरलेले आहे व त्याचा लाभ महा बोलेरो पिक-अप ग्राहकांना घेता येणार आहे.
महिंद्राविषयी
20.7 अब्ज डॉलर उलाढाल असलेल्या या कंपन्यांच्या समूहाचा नेहमीच प्रयत्न असतो की, वाहतूक सुविधांमध्ये नावीन्य आले पाहिजे, ग्रामीण भागात भरभराट झाली पाहिजे, शहरातील जीवनशैली सुधारली पाहिजे आणि व्यवसायाची कार्यक्षमता वाढली पाहिजे. त्यामुळे लोकांना चालना मिळून त्यांचा विकास होईल. समूह भारतात युटिलिटी व्हेइकल्स, माहिती तंत्रज्ञान, वित्तीय सेवा व व्हेकेशन ओनरशिप यामध्ये आघाडीच्या स्थानी आहे व व्हॉल्युमच्या बाबतीत जगातील सर्वात मोठी ट्रॅक्टर कंपनी आहे. कृषिव्यवसाय, एअरोस्पेस, कम्पोनंट्स, सल्ला सेवा, संरक्षण, ऊर्जा, औद्योगिक उपकरणे, लॉजिस्टिक्स, रिअल इस्टेट, स्टील, रिटेल, व्यावसायिक वाहने व दुचाकी व्यवसायांतही अग्रेसर आहे. मुंबईत मुख्यालय असलेल्या महिंद्रामध्ये 100 देशांत अंदाजे 240,000 कर्मचारी आहेत.