● लाँचिंगच्या पहिल्या टप्प्याला उदंड प्रतिसाद प्राप्त झाल्यानंतर पेनिनसुला लॅण्ड लिमिटेडने अॅडरेसवन सेंट्रल पार्कचा दुसरा टप्पा लाँच केला
● या एका टप्प्यामध्ये ६००हून अधिक अपार्टमेंट्स विकसित करण्यासाठी १६० कोटी रुपये गुंतवण्याची कंपनीची योजना
● अपार्टमेंट्सचे पाच प्रकार (वन बीएचके ते थ्री बीएचके) १९ लाख रुपयांपासूनच्या (यामध्ये मुद्रांक शुल्क, नोंदणी व अन्य कर समाविष्ट) आकर्षक किंमतीत देऊ करणार
पुणे, २१ फेब्रुवारी २०१९: पेनिनसुला लॅण्ड लिमिटेड या अशोक पिरामल समूहाचा भाग असलेल्या अग्रगण्य कॉर्पोरेट रिअल इस्टेट विकासक कंपनीने ६००हून अधिक अपार्टमेंट्स विकसित करण्यासाठी पुण्यातील गहुंजे येथे अॅडरेसवन सेंट्रल पार्कच्या लाँचिंगची घोषणा आज केली. ५.२६ एकर जागेत पसरलेले अॅडरेसवन सेंट्रल पार्क हे मुंबई–पुणे द्रुतगती मार्गावर मोक्याच्या ठिकाणी आहे. हे ठिकाण पुण्याच्या बाजूला एमसीए क्रिकेट स्टेडिअमशेजारी आहे.
अॅडरेसवन हा पेनिनसुला लॅण्डचा पुण्यातील पहिला परवडण्याजोगा लग्झरी प्रकल्प आहे. या प्रकल्पाची रचना विख्यात आर्किटेक्ट हफीझ काँट्रॅक्टर यांनी केली आहे. गेल्या वर्षी प्रकल्पाच्या पहिल्या टप्प्यात कंपनीने सुमारे ९०० युनिट्स लाँच केले. कंपनीच्या सर्वांत यशस्वी प्रकल्पांपैकी हा एक होता.
पेनिनसुला लॅण्ड लिमिटेडचे उपाध्यक्ष तसेच व्यवस्थापकीय संचालक श्री. राजीव पिरामल म्हणाले, “आमच्या पहिल्या टप्प्याला उदंड प्रतिसाद मिळाल्यानंतर अॅडरेसवन सेंट्रल पार्कच्या दुसऱ्या टप्प्याची घोषणा करताना आम्ही प्रचंड रोमांचित झालेलो आहोत. दुसऱ्या टप्प्यात ६०० अपार्टमेंट्स विकसित करण्यासाठी १६० कोटी रुपयांची गुंतवणूक करण्याची आमची योजना आहे. आमच्या ग्राहकांना परवडण्याजोग्या किंमतीत तरीही आरामदायी सुविधा देणारी घरे पुरवण्यावर आमचा, पेनिनसुला लॅण्डचा, विश्वास आहे. आमचा अॅडरेसवन प्रकल्प या तत्त्वज्ञानाचीच ग्वाही देणारा आहे.”
ते पुढे म्हणाले, “शहरीकरण वाढत असल्याने भारतात परवडण्याजोग्या घरांची मागणी प्रचंड आहे आणि या क्षेत्राला आवश्यक ती चालना देण्यासाठी सरकारनेही परवडण्याजोग्या घरांसाठी अनेक उपक्रम पुरवले आहेत. ‘सर्वांसाठी घरे’ या उपक्रमाला चालना देण्यासाठी हंगामी अर्थसंकल्पात रिअल इस्टेट क्षेत्रासाठी अनेक करसुधारणांची घोषणा केली आहे. यामुळे परवडण्याजोग्या घरांच्या विभागाला असलेल्या मागणीला नक्की चालना मिळेल.”
अॅडरेसवन सेंट्रल पार्क हिरव्यागार प्रदेशात वसलेले आहे. यामध्ये कम्युनिटी हॉलसह क्लब हाउस, जिम्नॅशिअम, स्विमिंग पूल, क्रिकेट नेट्स, सायकलिंग ट्रॅक, फूटबॉल फिल्ड आदी सुविधा आहेत. मुंबई–पुणे द्रुतगती मार्गालगतच्या मोक्याच्या ठिकाणामुळे हा प्रकल्प हिंजेवडीला जोडणारा आहे. हिंजेवाडीपासून हे ठिकाण १० किलोमीटरहून कमी अंतरावर आहे.
ग्राहकांना सुलभ वित्तसहाय्य पुरवण्याच्या उद्दिष्टाने कंपनीने अनेक वित्तीय ऑफर्स तसेच योजना लाँच केल्या आहेत. कंपनीने होम कॅपिटलसोबत करार केला आहे. यामुळे घर खरेदीदारांना मुद्रांक शुल्क तसेच नोंदणीसाठी व्याजमुक्त कर्ज मिळवण्यात मदत होईल. यासह १८ महिन्यांपर्यंत ग्राहकांना व्याजमुक्त हप्ते (ईएमआय) भरावे लागतील. हे हप्ते समान रकमेचे असतील. त्यामुळे ग्राहकांवर अतिरिक्त बोजा येणार नाही. याशिवाय, या प्रकल्पाला पीएमवाकेची मंजुरी आहे. त्यामुळे घरखरेदीदाराला व्याजावर २.६७ लाख रुपयांपर्यंत सबसिडी मिळू शकेल आणि परिणामी घर खरेदीदारांना अधिक मोठ्या व अधिक चांगल्या दर्जाच्या घरांसह वित्तसहाय्य मिळवून देण्यात मदत होईल. त्याचप्रमाणे अधिकाधिक ग्राहक या सबसिडीसाठी पात्र ठरू शकतील.
मुंबईपासून जवळ असल्याने तसेच आयटी आणि आयटीई उद्योग वेगाने वाढत असल्याने पुणे बाजारपेठेला एकंदर विकासाला मोठा वाव आहे. या बाजारपेठेत एकंदर मोठा क्षमता आहेच, शिवाय गहुंजेसारख्या ठिकाणांना निवासीदृष्ट्या मागणी वाढण्याची शक्यता आहे. मुंबई–पुणे द्रुतगती मार्गावर असल्याने गहुंजे हे महत्त्वाचे निवासी ठिकाण म्हणून उदयाला येत आहे. हे ठिकाण पुणे, मुंबई आणि नवी मुंबईपासून जवळ आहे. यामुळे या भागात औद्योगिक वाढ झाली आहे. या लोकप्रिय भागापासून सर्वांत जवळ असलेले रेल्वे स्थानक म्हणजे आकुर्डी रेल्वे स्थानक.
गहुंजेमधील सामाजिक पायाभूत संरचनाही उत्तम आहेत. एमसीए क्रिकेट स्टेडियम, सिम्बॉयसिस विद्यापीठ, विख्यात डी. वाय. पाटील कॉलेज, आदित्य बिर्ला रुग्णालय यामुळे या भागाचे महत्त्व वाढले आहे. एमआयडीसारख्या मुख्य रस्त्यांना हा भाग उत्तमरित्या जोडलेला असल्याने अन्य ठिकाणांनाही जोडला गेला आहे. हिंजेवडी आयटी पार्क, तळवडे आयटी पार्क हेदेखील या ठिकाणाहून जवळ आहेत.
पेनिनसुला लॅण्ड लिमिटेड विषयी:
भारताच्या गगनरेखेची व्याख्या नव्याने करणाऱ्या आंतरराष्ट्रीय प्रकल्पांसाठी पेनिनसुला लॅण्ड लिमिटेड ही कंपनी ओळखली जाते. अशोक पिरामल समूहाचा भाग म्हणून ही कंपनी आंतरराष्ट्रीय स्तरावर महत्त्वपूर्ण काम करण्यास वचनबद्ध आहे. शेअर बाजारात सूचीबद्ध होणाऱ्या पहिल्या काही रिअल इस्टेट कंपन्यांमध्ये कंपनीचा समावेश होतो. चांगल्या व पारदर्शक व्यावसायिक पद्धतींसह उत्तम कॉर्पोरेट प्रशासनाचा अंगिकार करत असल्याचे हे महत्त्वाचे निदर्शक आहे.
आज पेनिनसुला लॅण्ड ही एक एकात्मिक रिअल इस्टेट कंपनी आहे. आमच्या प्रकल्पांमध्ये रिटेल व्हेंचर्स, जागतिक दर्जाचे व्यावसायिक प्रकल्प व निवासी संकुलांचा समावेश होतो. कंपनीने ७ दशलक्ष चौरस फुटांची रिअल इस्टेट उभारली असून, १० दशलक्ष चौरस फूट जागा मुंबई, बेंगळुरू, पुणे, गोवा, नाशिक आणि लोणावळा आदी शहरांमध्ये बांधकामाखाली आहे. पेनिनसुलाने मुंबईला दिलेल्या काही महत्त्वाच्या खुणांमध्ये पेनिनसुला कॉर्पोरेट पार्क, पेनिनसुला टेक्नोपार्क, पेनिनसुला बिझनेस पार्क, क्रॉसरोड्स, सीआरटू, अशोक टॉवर्स आणि अशोक गार्डन्स यांचा समावेश होतो.