पुणे- भारतीय चित्रपट सृष्टीमध्ये अगदी मूकपटापासून ते सुवर्णयुगापर्यंत आपल्या अभिनयाने ,
अदाकारीने, नृत्याने रसिकांच्या मनावर अधिराज्य गाजविणाऱ्या पन्नासहून अधिक अभिनेत्रींचा चित्रपट
सृष्टीतील प्रवास ‘परीकथेतील राजकुमारी’ या कार्यक्रमाद्वारे उलगडला गेला. या अभिनेत्रींचा चित्रपट
सृष्टीतील पदार्पण, त्यांची कौटुंबिक पार्श्वभूमी, चित्रपट क्षेत्रातील झालेली स्थित्यंतरे …..त्यांची काम
करण्याची पद्धत व स्वभाव वैशिष्ट्ये….आणि त्यांच्या संपूर्ण कारकिर्दीत गाजलेल्या त्यांच्या गाण्यांच्या
चित्रफितीच्या माध्यमातून केलेल्या सादरीकरणाने रसिकांना तृप्त केले.
जागतिक महिला दिनानिमित्त राष्ट्रीय चित्रपट संग्रहालय आणि बियोंड एंटरटेनमेंट पुणे प्रस्तुत
‘परिकथेतील राजकुमारी’ हा पडद्यावरील स्त्री कलावंतांना समर्पित दृक्श्राव्य कार्यक्रम सादर करण्यात आला.
मूकपटापासून ते सुवर्णयुगापर्यंतच्या गुणी नृत्यकुशल अभिनयसंपन्न अभिनेत्री यांचे जीवन आणि कला
यांचे दर्शन घडवणाऱ्या या कार्यक्रमाला रसिकांनी उत्स्फूर्त दाद दिली.
या कार्यक्रमाच्या संयोजिका सुलभा तेरणीकर यांच्या कल्पनेतून हा कार्यक्रम सादर करण्यात आला. त्यांनी
मूकपटातील नायिकांच्या चित्रओळखीपासून ते आतापर्यंतच्या स्री-पर्वापर्यंतच्या युगाचा पट उलगडत जुन्या
आठवनींना उजाळा दिला. मूकपट, बोलपट, गायक गायिका, पार्श्वगायिका आणि अभिनेत्री असा हा प्रवास
उलगडत गेला. उस्मान शेख व वंदना कुलकर्णी यांनी त्यांना साथ दिली. आठवणींबरोबरच या अभिनेत्रींवर
चित्रित करण्यात आलेली प्रेक्षणीय गाणी, काही मजेदार किस्से व आठवणींनी कार्यक्रमाला रंगत आली.
कार्यक्रमाच्या प्रारंभी बियोंड एंटरटेनमेंट यांच्या वतीने जेष्ठ अभिनेत्री लीला गांधी तसेच ‘नॅशनल फिल्म
अर्काइव्ह’ (एनएफआय) या संस्थेच्या आजी व माजी महिला कर्मचार्यांचा सत्कार यावेळी करण्यात आला.
भाजपचे शहराध्यक्ष योगेश गोगावले, एनएफआयचे संचालक प्रकाश मगदूम, उपसंचालिका कीर्ती तिवारी हे
यावेळी उपस्थित होते. जागतिक महिला दिनाच्या निमित्ताने अशा वाशिष्ट्यपूर्ण कार्यक्रमाचे आयोजन
करणे हा स्तुत्य उपक्रम असून अशा कार्यक्रमांना सर्वोतोपरी मदत करण्यात येईल असे आश्वासन त्यांनी
दिले.
नादिया, दुर्गा खोटे, नर्गिस, मधुबाला, मीनाकुमारी यांच्या जीवनप्रवासाचे, त्यांच्या चित्रपट सृष्टीतील
अभिनयाचे वर्णन ऐकतानाच चित्रफितीद्वारे त्यांच्या अभिनयाचे, नृत्याचे, सौंदर्याचे प्रत्यक्ष दर्शन रसिकांना
जुन्या काळात घेऊन गेले.
सुलभ तेरणीकर म्हणाल्या, पडद्यावर त्या काळात कोणतीही स्री काम करण्यास तयार होत नव्हती. कृष्णा
हरी उर्फ अण्णा साळुंके ही मूक चित्रपटातील पहिली अभिनेत्री. दादासाहेब फाळके यांना ‘राजा हरिश्चंद्र’
चित्रपटासाठी तारामातीची भूमिका करण्यासाठी कोणी अभिनेत्री मिळेना त्यामुळे त्यांनी कृष्णाला
तारामतीच्या भूमिकेसाठी तयार केले. उस्मान शेख व वंदना कुलकर्णी यांनी काळानुसार विविध अभिनेत्रीचा
प्रवास उलगडला. कमला गोखले, पेशन्स कुपर बिब्बो, सितारादेवी, झेब्बुन्निसा, रुबी मायर्स, देविका राणी,
ललिता पवार, सुलोचना गीता बाली, शामाजी, निमी, बिना रॉय, शकिला, शशिकला, संध्या, अशा ५० हून
अधिक अभिनेत्रीच्या जीवनातील मनला चटका लावणाऱ्या घटना, त्यांचा अभिनय, नृत्य, सौंदर्य प्रेक्षकांनी
‘परीकथेतील राजकुमारी’ या कार्यक्रमाद्वारे अनुभवले.