पुणे :वाय अॅण्ड एम अंजूमन खैरूल इस्लामच्या पूना कॉलेज ऑफ आर्टस, सायन्स अॅण्ड कॉमर्स वतीने ‘न्यू ट्रेंडस् इन कॉमर्स, इकॉनॉमिक्स, बँकींग, कोऑपरेशन, मॅनेजमेंट, कॉम्पुटर सायन्स, आय टी अॅण्ड एन्हार्यनमेंट’ या विषयावर आंतरराष्ट्रीय परिषदेचे आयोजन करण्यात आले आहे. दिनांक 8 आणि 9 फेब्रुवारी रोजी ही परीषद सेमिनार हॉलमध्ये होणार आहे, अशी माहिती डॉ. आफताब अन्वर शेख (प्राचार्य, पूना कॉलेज ऑफ आर्टस, सायन्स अॅण्ड कॉमर्स) यांनी पत्रकाद्वारे दिली.
उद्या शुक्रवार, दिनांक 8 फेब्रुवारी रोजी दुपारी 3 वाजता परिषदेचे उदघाटन होणार आहे.
सावित्रीबाई फुले पुणे विद्यापीठ च्या सहकार्याने आयोजित या दोन दिवसीय आंतरराष्ट्रीय परिषदेत 12 देशातून 300 हून अधिक प्रतिनिधी सहभागी होणार आहेत. यामध्ये बाहरीन, मोझांबिक, इराक, अफगाणिस्तान, नामिबीया, नायझेरियन, यामेन, युएसए, जर्मनी, श्रीलंका, थायलंड, रवांडा या देशांचा समावेश आहे.
वाणिज्य, अर्थशास्त्र, बँकिंग, सहकार, व्यवस्थापन, संगणक विज्ञान, माहिती तंत्रज्ञान आणि पर्यावरण या क्षेत्रातील सर्वात प्रभावी आणि प्रचलित ट्रेंडचा आढावा घेणे तसेच विविध देशांतील तज्ञ आणि प्रतिनिधींना एकत्र आणणे हा या परिषदेचा प्रमुख हेतू आहे.
डॉ. आब्बास लोखंडवाला (कॉमर्स अॅण्ड रिसर्च सेंटर विभाग प्रमुख), नसरीन परवेज खान आणि वाफीया वाहिद हे परिषद संयोजन समितीमध्ये आहेत.
या परिषदेमध्ये वनिडा वडीचारोइन (थाई – नीचि इन्स्टिट्यूट ऑफ टेक्नॉलॉजी सुआनुंग, बँकॉक), डॉ. रविंद्र डिसानायके (मार्केटींग मॅनेजमेंट विभाग केलॅनिया विद्यापीठ, श्रीलंका), क्लेरन्स फर्नांडीस (रूवांडा रेनेसान्स चे अध्यक्ष), चित्राल बेनिल्डस फर्नांडो(श्रीलंका), प्रा. मॅपा थिलकार्तने (केलॅनिया विद्यापीठ, श्रीलंका) हे प्रमुख पाहुणे म्हणून उपस्थित राहणार आहेत.