चंद्रकांत दादांची प्रतिमा स्वच्छ : खासदार काकडे
पुणे : चंद्रकांत दादा पाटील यांच्यावर आजपर्यंतच्या त्यांच्या 40 वर्षाच्या सार्वजनिक जीवनातील वाटचालीत एकही आरोप झालेला नाही. अत्यंत स्वच्छ प्रतिमेचा उमेदवार कोथरुड विधानसभा मतदार संघाला लाभला आहे, असे मत भाजपाचे सहयोगी सदस्य व राज्यसभा खासदार संजय काकडे यांनी आज व्यक्त केले.
कोथरुड विधानसभा मतदार संघाचे भाजप चे उमेदवार चंद्रकांत दादा पाटील यांच्या मध्यवर्ती निवडणूक कार्यालयाचे उद्घाटन खासदार गिरीश बापट यांच्या हस्ते झाले. यावेळी खासदार संजय काकडे बोलत होते. याप्रसंगी मेधा कुलकर्णी, चंद्रकांत मोकाटे, मुरलीधर मोहोळ आदी मान्यवर उपस्थित होते.
आपल्या उमेदवार चारित्र्य संपन्न आहे. त्यांच्या विषयीची माहिती आणि मुख्यमंत्री देवेंद्र फडणवीस व पंतप्रधान नरेंद्र मोदी यांनी केलेली विकासाची कामे घराघरात पोहोचवल्यास चंद्रकांत दादा महाराष्ट्रात सर्वाधिक मताधिक्यानी निवडून येतील. प्रत्येक नगरसेवक व कार्यकर्त्यांने प्रामाणिकपणे हे काम करायचे आहे, असेही खासदार काकडे म्हणाले