पुणे- डेक्कन जिमखाना तर्फे आयोजित अनिल. जी. रानडे मेमोरियल डेक्कन जिमखाना क्रिकेट लीग स्पर्धेत अंतिम फेरीत श्रीनिवास चाफळकर(40धावा व 1-9)याने केलेल्या अष्टपैलू कामगिरीच्या जोरावर सिटी प्राईड सुपरस्टार्स संघाने हॉग्स संघाचा 31 धावांनी पराभव करून विजेतेपद संपादन केले.
डेक्कन जिमखाना येथील क्रिकेट मैदानावर पार पडलेल्या या स्पर्धेत अंतिम फेरीत पहिल्यांदा फलंदाजी करताना सिटी प्राईड सुपरस्टार्स संघाने 7षटकात 1बाद 78धावांचे आव्हान उभे केले. यात श्रीनिवास चाफळकरने 20चेंडूत 1चौकार व 2 षटकारांच्या मदतीने 40धावा व प्रतीक वैद्यने 14 चेंडूत 1चौकार व 1 षटकारांच्या मदतीने नाबाद 24धावा केल्या. श्रीनिवास चाफळकर(40धावा) व प्रतीक वैद्य(24धावा)यांनी पहिल्या गड्यासाठी 26 चेंडूत 58धावांची भागीदारी करून संघाला भक्कम अशी धावसंख्या उभारून दिली. या आव्हानाचा पाठलाग करताना सिटी प्राईड सुपरस्टार्स संघाच्या भेदक गोलंदाजीपुढे हॉग्स संघाचा डाव 7षटकात 4बाद 47धावावर आटोपला. यात मंदार चितळे 12(11), आदित्य गांधी 11यांच्या धावा वगळता एकही फलंदाज दुहेरी धावसंख्या करू शकला नाही. सिटी प्राईड सुपरस्टार्सकडून सचिन गोडबोले 2-7, अर्जुन मेहता 1-5, श्रीनिवास चाफळकर 1-9यांनी अफलातून गोलंदाजी करून संघाचा विजय सुकर केला. सामन्याचा मानकरी श्रीनिवास चाफळकर ठरला.
याआधीच्या उपांत्य फेरीच्या पहिल्या सामन्यात प्रतीक वैद्य(2-3)याच्या भेदक गोलंदाजीच्या जोरावर सिटी प्राईड सुपरस्टार्स संघाने वाडेश्वर विझार्डसचा 7 गडी राखून पराभव करत अंतिम फेरी गाठली.दुसऱ्या सामन्यात हर्षल गंद्रेच्या उपयुक्त 37धावांच्या जोरावर हॉग्स संघाने स्पार्टन्स संघाचा 8गडी राखून पराभव केला.
स्पर्धेतील विजेत्या संघाला करंडक अशी आकर्षक पारितोषिके देण्यात आली. स्पर्धेचे पारितोषिक वितरण डॉ.अनंतभूषण रानडे, एमसीएचे अध्यक्ष अभय आपटे आणि मराठे ज्वेलर्सचे प्रणव मराठे यांच्या हस्ते करण्यात आले. यावेळी स्पर्धा संचालक मिहीर केळकर आदी मान्यवर उपस्थित होते.
स्पर्धेचा सविस्तर निकाल: उपांत्य फेरी:
वाडेश्वर विझार्डस: 7षटकात 7बाद 38धावा(रोहन राजपुरकर नाबाद 10, हर्षवर्धन पटवर्धन 8, साकेत गोडबोले 6, प्रतीक वैद्य 2-3, नीरज कुलकर्णी 1-4, अर्जुन मेहता 1-6, श्रीनिवास चाफळकर 1-7)पराभूत वि.सिटी प्राईड सुपरस्टार्स: 5षटकात 2बाद 41धावा(प्रतीक वैद्य नाबाद 14, रिषभ गादिया 11, श्रीनिवास चाफळकर नाबाद 16, साकेत गोडबोले 1-16);सामनावीर-प्रतीक वैद्य;
स्पार्टन्स: 7षटकात 3बाद 68धावा(अमित परांजपे 39(24, 7×4, 1×6), पराग चितळे 25(14)) पराभूत वि.हॉग्स: 6.1षटकात 1बाद 73धावा(साहिल मदन 35(18, 2×4, 2×6), हर्षल गंद्रे 37(17, 4×6), पराग चितळे 1-20);सामनावीर-हर्षल गंद्रे;
अंतिम फेरी:
सिटी प्राईड सुपरस्टार्स: 7षटकात 1बाद 78धावा(श्रीनिवास चाफळकर 40(20, 1×4, 2×6), प्रतीक वैद्य नाबाद 24(14, 1×4,1×6), गौरव चाफळकर नाबाद 8, मंदार चितळे 1-4)वि.वि.हॉग्स: 7षटकात 4बाद 47धावा(मंदार चितळे 12(11), आदित्य गांधी 11(10), सचिन गोडबोले 2-7, अर्जुन मेहता 1-5, श्रीनिवास चाफळकर 1-9);सामनावीर-श्रीनिवास चाफळकर;
इतर पारितोषिके:
सर्वोत्कृष्ट फलंदाज:अमित परांजपे(186धावा)
सर्वोत्कृष्ट गोलंदाज: पराग चितळे(7विकेट)
मालिकावीर: हर्षल गंद्रे(199धावा व 5विकेट)