नवीन मराठी शाळा वार्षिक नियतकालिक झेप प्रकाशन व विदयार्थी पदवीदान समारंभ
पुणे : ३० एप्रिल रोजी डेक्कन एज्युकेशन सोसायटीच्या नवीन मराठी शाळेत वार्षिक निकाल, वार्षिक
नियतकालिक झेप चे प्रकाशन करण्यात आले. कार्यक्रमाची सुरुवात विपुलश्री मासिकाच्या संपादिका माधुरी
वैद्य, शाळेच्या माजी विद्यार्थिनी व अभिनेत्री अनुपमा देशमुख, शाळेचे माजी विद्यार्थी अरविंद
वाकणकर, शालासमिती अध्यक्षा डॉ.प्राची साठे ,मुख्याध्यापिका कल्पना वाघ यांच्या हस्ते दीप प्रज्वलनाने
व सरस्वती पूजनाने झाली.स्वाती यादव यांनी उपस्थित अतिथींचा परिचय करून दिला.यावेळी उपस्थित
सर्व मान्यवरांना शाळेच्या वतीने सन्मानित करण्यात आले.
कार्यक्रमाच्या स्वागत व प्रास्ताविकात मुख्याध्यापिका कल्पना वाघ यांनी विद्यार्थ्यांच्या व शिक्षकांच्या कामांचे मनापासून कौतुक केले व भावी वाटचालीसाठी सर्वांना शुभेच्छा दिल्या. शाळेच्या वार्षिक
नियतकालिक ‘झेप’ अंकाचे प्रकाशन मान्यवरांच्या हस्ते झाले. शिक्षिका प्रिया इंदुलकर यांनी झेप
अंकाविषयी माहिती दिली.त्यानंतर अनुपमा देशमुख यांनी आपल्या मनोगतात शाळेतील विविध उपक्रमांचे
कौतुक केले.
अरविंद वाकणकर यांनी विद्यार्थ्यांना भावी वाटचालीसाठी शुभेच्छा दिल्या .तर प्रमुख अतिथी
माधुरी वैद्य यांनी गोष्टीतून विद्यार्थ्यांना परोपकार करा व माणूस म्हणून मोठे व्हा असा संदेश दिला .
त्यानंतर वर्गातील सर्वोत्तम विद्यार्थी, १००% उपस्थिती व स्पोकन इंग्लिश मध्ये विशेष यश संपादन
केलेल्या विद्यार्थ्यांना बक्षिसे देवून गौरविण्यात आले. यावर्षीपासून इयत्ता चौथी मधून प्रत्येक वर्गातून
सर्वोत्कृष्ट ठरलेल्या एक विद्यार्थिनी व एक विद्यार्थी यांना प्रातिनिधिक स्वरूपात चौथी पास पदवीप्रदान
करण्यात आली. यावेळी सर्व शिक्षकांना भेटवस्तू देवून सत्कार करण्यात आला.अशा प्रकारे बहारदार अशा
कार्यक्रमात झेप चे प्रकाशन व बक्षीस वितरण पार पडले. कार्यक्रमाचे सूत्रसंचालन भाग्यश्री हजारे व
आभार प्रदर्शन योगिता भावकर यांनी केले.