पुणे-समाजात मुलगा आणि मुलगी यांच्यातील समानतेच्या वागणुकीबाबत पुरेशी जनजागृती झाली असली तरीही मुलींना शाळा सुटल्यानंतर घरातील कामात हातभार लावावा लागतो तर मुलांना मनसोक्त खेळायला किंवा टीव्ही बघायला वा तत्सम करमणूकीसाठी मोकळीक दिली जाते हे सत्य नाकारता येत नाही.आता आईनेच स्वतःत बदल करावा आणि मुलींबरोबर मुलाला ही घरकामात हातभार लावण्यास सांगावे असे मत नगरसेविका मंजुश्री खर्डेकर यांनी व्यक्त केले.क्रिएटिव्ह फौंडेशन आणि ग्लोबल ग्रूपच्या वतीने जागतिक महिला दिनानिमित्ताने शाळेतील मुलींना परीक्षेपूर्वी थोडेसे तणावमुक्त होता यावे यासाठी आयोजित बाल जत्रेच्या कार्यक्रमात त्या बोलत होत्या.यावेळी पुणे मनपाच्या पंडित दीनदयाळ उपाध्याय शाळेतील सुमारे १००० विद्यार्थ्यांनी जंपिंग जॅक,चक्री,टॅटू काढणे व बंदुकीने फुगे फोडणे या खेळांचा मनसोक्त आनंद लुटला.कार्यक्रमाचे संयोजन क्रिएटिव्ह फौंडेशन चे अध्यक्ष संदीप खर्डेकर,ग्लोबल गृप चे संजीव अरोरा ,मनोज हिंगोरानी यांनी केले.यावेळी शाळेच्या मुख्याध्यापिका एलिझाबेथ काकडे व शशीकला चव्हाण उपस्थित होत्या.
जागतिक महिला दिनानिमित्त बाल जत्रा….
आई ने मुलींसोबत मुलांना ही घरातील कामे करण्याची सवय लावावी – सौ.मंजुश्री खर्डेकर.