नागरिकांनी विकास कामांवर लक्ष ठेवावे – मंजुश्री खर्डेकर.
पुणे-किमान आपल्या प्रभागातील विकास कामांवर नागरिकांनी लक्ष्य ठेवणे जरुरीचे आहे असे प्रतिपादन भाजपच्या नगरसेविका मंजुश्री खर्डेकर यांनी येथे केले .
प्रभाग क्रमांक १३ एरंडवणा/ हॅपी कॉलनी येथे विविध ठिकाणी रस्त्याच्या साईड पट्टया ग्राउट करण्याच्या कामाचा शुभारंभ करण्यात आला याप्रसंगी त्या बोलत होत्या.यावेळी युनायटेड वेस्टर्न सोसायटीचे अध्यक्ष निलेश गाडगीळ,सचिव विनय भावे,समिती सदस्य संगीता शेवडे,अजय सरदेसाई,संदीप वाळिंबे,संजय दीक्षित,विकी धडफळे,संस्थापक सदस्य दाणी काका यांच्या सह प्रभागातील नगरसेवक दीपक पोटे,जयंत भावे,नगरसेविका माधुरी सहस्त्रबुद्धे,सरचिटणीस बापूसाहेब मेंगडे,राजेंद्र येडे,बाळासाहेब धनवे,शहर कार्यकारिणी सदस्य कुलदीप सावळेकर,राज तांबोळी,रमेश चव्हाण,मयुर देशपांडे.निलेश गरुडकर,सुमीत दिकोंडा ,सुनिल होलबेले,अनुराधाताई एडके,सुवर्णा काकडे,सुलभा जगताप,नारायण वायदंडे,मनपा चे जे ई राजेश फटाले,इ मान्यवर उपस्थित होते.
प्रभागातील सर्व विकास कामे ही नागरिकांच्या सूचनेनुसार ठरविण्यात आली असुन त्याप्रमाणेच बजेट मधे तरतूदी केल्या असल्याचे नगरसेविका मंजुश्री खर्डेकर यांनी यावेळी सांगितले . त्या पुढे म्हणाल्या.नागरिकांनी त्यांच्या भागातील विकास कामांवर आणि त्यांच्या दर्ज्याबाबत जागरुक रहावे व एखाद्या ठिकाणी कामात कसुर / त्रूटी आढळल्यास त्वरित लोकप्रतिनिधी किंवा अधिकारयांच्या कानावर घालावे आणि संबंधित कंत्राटदारास ही त्याचा जाब विचारावा.याने कामाचा दर्जा तर उत्तम राहीलच पण त्याच बरोबर नागरिकांनाही आपल्या भागातील विकास कामात आपला सहभाग असल्याचे समाधान लाभेल.
आमच्या सोसायटीच्या सुवर्ण महोत्सव दिनानिमित्त विकास कामांचे भुमीपूजन झाल्याचा आनंद होतो आहे असे सोसायटीचे अध्यक्ष निलेश गाडगीळ म्हणाले.सर्व विकास कामांचा प्रारंभ हा नागरिकांसाठी असल्याने नागरिकांच्या हस्तेच त्याचे भुमीपूजन करणार असल्याचे ही मंजुश्री खर्डेकर म्हणाल्या.