सभागृहाचा अमूल्य वेळ वाया जावू देवू नका – संदीप खर्डेकरांचे महापौरांना पत्र (जसेच्या तसे वाचा )
पुणे- गेली ३० वर्षांहून अधिक काळ ,पतितपावन संघटना आणि भाजप चा वेळोवेळी संघर्ष करणारा , डॅशिंग कार्यकर्ता अशी ओळख असलेले कार्यकर्ते आणि उद्यम सहकारी बँकेचे अध्यक्ष संदीप खर्डेकर यांनी महापौर मुक्ता टिळक यांना पाठविलेले पत्र भाजपच्या राजकीय वर्तुळात लक्षवेधी ठरणार आहे . नेमके काय आहे हे पत्र वाचा … जसेच्या तसे ….
प्रति,
मा.मुक्ता टिळक,
महापौर,पुणे.
विषय – कार्यपत्रिकेवरील प्रश्नोत्तरे व पॉईंट ऑफ इन्फर्मशन बाबत –
मा महोदया,
मी पुणे महापालिकेच्या कार्यपद्धतीशी १९८८/८९ सालापासून परिचित आहे.एक जागरूक पुणेकर म्हणून आणि पतित पावन संघटनेचा पदाधिकारी म्हणून मी व माझे कार्यकर्ते सर्वसाधारण सभेच्या वेळी प्रेक्षक गॅलरीत व प्रसंगी महापौर गॅलरीत बसत असू व मनपा चा कारभार बघत असू.प्रसंगी एखाद्या विषयावर आंदोलन/घोषणा/किंवा एखाद्या अधिकाऱ्याने प्रश्नांना उत्तरे दिली नाहीत तर त्याचा हुर्यो उडविणे हे काम आम्ही जागरूकतेने करत होतो.मला आठवते आहे कि मा अंकुश काकडे महापौर असताना सर्वसाधारण सभेत साधारण अर्धा तास शहराच्या प्रश्नांवर पॉईंट ऑफ इन्फर्मेशन द्वारे अधिकाऱ्यांना धारेवर धरले जायचे ,त्यानंतर कार्यपत्रिकेवरील प्रश्नोत्तरे व्हायची व ज्या छापील उत्तरावर मा सभासदांचे समाधान व्हायचे नाही त्यावर अधिकाऱ्यांना जाब विचारला जायचा व जनहिताचे प्रश्न सोडविले जायचे,या सगळ्याची पुणेकरांना,पत्रकारांना मोठी उत्सुकता असायची.
मात्र गट ६/७ महिन्यातील सर्वसाधारण सभेची एकूण कार्यपद्धती पाहता विरोधकांच्या गोंधळात आणि पॉईंट ऑफ इन्फॉर्मेशन द्वारे फारसे महत्वाचे नसलेले प्रश्न विचारून सभागृहाचा अमूल्य वेळ वाया जात आहे असे दिसून येते,प्रश्नोत्तरे तर एकदाही झाल्याचे मिनिट्स वरून दिसून येत नाही,खरे तर प्रश्नोत्तरे ही सुदृढ लोकशाहीचे लक्षण आहेत .…. तरी आपण सर्व पक्षनेत्यांशी चर्चा करावी आणि आता किमान नोव्हेंबर महिन्याच्या सर्वसाधारण सभेपासून या सभागृहाच्या परंपरेप्रमाणे सुरवातीचा अर्धा तास पॉईंट ऑफ इन्फर्मेशन द्वारे शहराच्या प्रश्नांवर चर्चा,तदनंतर कार्यपत्रिकेवरील प्रश्नोत्तरे आणि शेवटी कार्यपत्रिकेवरील प्रस्ताव अश्या क्रमाबद्दल एकमत करावे.याबाबत विरोधी पक्षनेत्यांनी ही सकारात्मक भूमिका घ्यावी यासाठी आपण पुढाकार घेऊन चर्चा घडवून आणावी अशी आग्रही मागणी करत आहे,
योग्य कार्यवाहीच्या अपेक्षेत,
आपला,
संदीप खर्डेकर.
अध्यक्ष क्रीएटिव्ह फौंडेशन.
मो 9850999995