पुणे-
३३वी पुणे आंतरराष्ट्रीय मॅरेथॉन स्पर्धा आज (रविवार) उत्साहत पार पडली. यामध्ये नेहमीप्रमाणेच अफ्रिकन खेळाडूंचे वर्चस्व राहिले. इथोपियाचा धावपटू अटलाव डेबेड हा या स्पर्धेचा विजेता ठरला. त्याने ४२ किलो मीटरची मुख्य फुल मॅरेथॉन स्पर्धा जिंकली. यामध्ये एकूण १५ हजार स्पर्धकांनी सहभाग नोंदवला. यामध्ये १०२ परदेशी स्पर्धकांचा समावेश आहे.
सारसबागेजवळील बाबुराव सणस मैदानापासून सकाळी पाच वाजण्याच्या सुमारास माजी खासदार सुरेश कलमाडी यांच्या हस्ते या मॅरेथॉनला सुरुवात झाली. यावेळी राज्यसभा खासदार वंदना चव्हाण, परालम्पिकमध्ये पाहिले सुवर्णपदक जिकणारे पद्मश्री मुरलीकांत पेटकर, मिलिटरी इंटेलिजन्स स्कुलचे कमांडंट लेफ्टनंट जनरल आर. के. बन्सीवाल उपस्थित होते.
मॅरेथॉन (४२.१९५ किमी), अर्धमॅरेथॉन (२१ किमी), ५ आणि १० किलोमीटर शर्यत, व्हिलचेअर शर्यत, प्रल्हाद सावंत चॅरिटी रन; तसेच १४ आणि १६ वर्षांखालील मुलां-मुलींच्या शर्यती झाली . ‘यंदाच्या पुणे इंटरनॅशनल मॅरेथॉनला पोल्ट्री उद्योगातील आघाडीच्या वेंकटेश्वरा हॅचरीज ग्रुपचे संस्थापक पद्मश्री बी. व्ही. राव यांचे नाव देण्यात आले असून, शर्यतींत १५ हजार धावपटू यात सहभागी झाली आहेत. यामध्ये 102 परदेशी स्पर्धकांचाही समावेश आहे. सण १९८४ पासून हि आंतरराष्ट्रीय पुणे मॅरेथॉन होत आहे तसेच यंदा या मॅरेथॉन मध्ये १५ हजारहुन अधिक धावपटू स्पर्धेत सहभागी झाले आहेत अशी माहिती पुणे इंटरनॅशनल मॅरेथॉन ट्रस्टचे ट्रस्टी अभय छाजेड यांनी दिली. यावेळी खासदार वंदना चव्हाण, भारतकडून पॅरालिम्पिक मध्ये पाहिलं सुवर्णपदक जिकणारे पदमश्री मुरलिकांत पेटकर,मिलिटरी इंटेलिजन्स स्कुल कममंडट लेफ्टनंट जनरल आर.के. बन्सीवाल उपस्थित होते. रेस डायरेक्टर सुमंत वाईकर, जॉइंट रेस डायरेक्टर रोहन मोरे, बाप्टिस्ट डिसूझा आदी उपस्थित होते. तसेच पहाटे ५ वाजल्यापासून पुण्याच्या रस्त्यांवर पुणेकरांनी मोठी गर्दी करत या पुणे मॅरेथॉनचा आनंद लुटला