पुणे :’शिक्षण आणि सामाजिक प्रगतीपासून दूर असलेल्या अल्पसंख्य मुस्लिम समाजास सर सय्यद यांनी शिक्षणाची दिशा दाखवली आणि पुढे त्याचे रूपांतर अलिगढ मुस्लिम विद्यापीठ या शैक्षणिक चळवळीत झाले. त्यामुळॆ सर सय्यद यांच्या विचारांचा महोत्सव पुण्यासारख्या शैक्षणिक शहरात होतोय ही अत्यंत महत्वाची गोष्ट आहे’,असे प्रतिपादन अभ्यासक,लेखक शामिम तारिक यांनी केले.
‘डेक्कन मुस्लिम इन्स्टिट्यूट’ आणि ‘नॅशनल कौंसिल फॉर प्रमोशन ऑफ उर्दू लँग्वेज’, नवी दिल्ली यांच्या संयुक्त विद्यमाने ‘जश्न – ए- सर सय्यद’ या दोन दिवसीय राष्ट्रीय कार्यशाळेचे आयोजन करण्यात आले
होते.या दोन दिवसीय कार्यशाळेचे उद्घाटन शुक्रवारी दुपारी हाय-टेक हॉल, आझम कॅम्पस येथेझाले.
सर सय्यद यांना अल्पसंख्यक शैक्षणिक, सामाजिक, प्रागतिक चळवळीचे प्रणेते मानले जाते.
डेक्कन मुस्लिम इन्स्टिट्यूट च्या अध्यक्ष आबेदा इनामदार उदघाटन कार्यक्रमाच्या अध्यक्षस्थानी होत्या. व्यासपीठावर
मुन्नवरपीरभॉय,शाहिदा सय्यद उपस्थित होते.
या कार्यशाळेमध्ये डॉ. गुलाम दस्तगीर (संचालक,‘डेक्कन मुस्लिम इन्स्टिट्यूट’), डॉ. कमार सिद्दीकी (मुंबई), डॉ.अल्ताफ अन्जुंमन (काश्मीर), डॉ. काझी नावेद (औरंगाबाद), डॉ. जनीसार मोईन (हैदराबाद), डॉ. समीना पठाण (पुणे) आदी सहभागी
झाले विविध स्पर्धा,पॉवर पॉईंट प्रेझेंटेशन,माहितीपट प्रदर्शन,व्याख्याने या दोन दिवसीय महोत्सवात आयोजित करण्यात आली होती.
उदघाटन कार्यक्रमात बोलताना शामिम तारिक म्हणाले ,’सर सय्यद यांनी शिक्षणाची प्रेरणा दिल्याने पुढे मोठ्या गावांमध्ये अल्पसंख्य मुस्लिमांना शिक्षण देणाऱ्या शैक्षणिक संस्था उभ्या राहिल्या. सर सय्यद यांनी लेखनातून क्रांती घडवली. काळाच्या पुढचे विचार मांडले.
‘सर सय्यद यांची शिकवण आजही अल्पसंख्य मुस्लिम समाजाला प्रगतीच्या दिशा दाखवत आहे,
युवकांना प्रेरणा देत आहे’,असे आबेदा इनामदार यांनी अध्यक्षस्थानावरून बोलताना सांगितले.
कार्यशाळेच्यासमारोप कार्यक्रमालाप्रमुख पाहुणेम्हणून प्रा.तारिक मन्सूर (कुलगुरू, अलिगड मुस्लिम युनिव्हर्सिटी)उपस्थित होते.डॉ. पी.ए.इनामदार (नॅशनल कौंसिल फॉर प्रमोशन ऑफ उर्दू लँग्वेज, नवी दिल्ली, मंडळाचे माजी सदस्य) उपस्थित होते
कार्यशाळेचा समारोप कार्यक्रम डॉ. ए. आर. शेख असेंब्ली हॉल, आझम कॅम्पस येथे झाला.